| e-texts navigator |
| Wylie |
194a1 བསྒོམ་པའི་ཡོན་ཏན་གྱིས།། ས་བཅུ་ཡི་ནི་འབྲས་བུ་འཐོབ།། མི་སྡུག་རྣམ་པ་བརྒྱད་བསྒོམས་ཏེ།། དུར་ཁྲོད་ཕྱོགས་སུ་ཕྱིན་ནས་ནི།། རང་གིས་ལུས་ལ་འདི་ལྟར་རྟོག། དང་པོ་རྣམ་པར་སྔོ་བར
194a2 འདོད།། དེ་ནས་རྣམ་པར་དམར་བར་འདོད།། རྣམ་པར་གནག་པ་དག་དང་ནི།། དེ་བཞིན་རྣམ་པར་བམ་པ་དང་།། དེ་བཞིན་རྣམ་པར་འབུ་ཞུགས་དང་།། རྣམ་པར་འཐོར་བ་དག་ཏུ་འདོད།། དེ་བཞིན་རྣམ་པར
194a3 དཀར་བའོ།། དེ་བཞིན་འདོད་ཆགས་གཉེན་པོ་རུ།། མི་སྡུག་རྣམ་བརྒྱད་བསྒོམ་པའོ།། ཉན་དང་ཐོས་པ་མེད་པ་སྟེ།། དེ་ཕྱིར་རང་རྒྱལ་ཐེག་པར་འདོད།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ
194a4 ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། རང་རྒྱལ་ཐེག་པ་དེ་ལྟར་ན།། བྱང་ཆུབ་སེམས་དཔའི་ཐེག་པ་གསུང་དུ་གསོལ།། ཞེས་ཞུ་བ་ཞུས་སོ།། དེ་ནས་ཡང་བཀའ་སྩལ་པ།། ཀྱེ་ཧོ་གསང་བའི་བདག་པོ་ཉོན།། ངས
194a5 བསྟན་ལེགས་པར་ཡིད་ལ་ཟུང་།། བྱང་ཆུབ་སེམས་དཔའི་ཐེག་པ་ནི།། འཇུག་པའི་སྒོ་ནི་རྣམ་པ་གཉིས།། དོན་དམ་དང་ནི་ཀུན་རྫོབ་བོ།། བསྲུང་བའི་ཚུལ་ཁྲིམས་ཡན་ལག་ནི།། སྡོམ་པ་བརྒྱད་ཅུ་རྩ་ལྔའོ།། རྟོགས
194a6 པའི་བལྟ་བ་སྟོང་ཉིད་ཡེ་ཤེས་སོ།། དོན་དམ་ཀུན་རྫོབ་འདི་ལྟ་སྟེ།། ཀུན་རྫོབ་རྣམ་པ་གཉིས་སུ་འདོད།། ལོག་པ་དང་ནི་ཡང་དག་གོ། ལོག་པའི་ཀུན་རྫོབ་འདི་ལྟ་སྟེ།། བཏགས་པར་སྣང་བ་ཐམས་ཅད
iiif viewer powered by OpenSeadragon
