| e-texts navigator |
| Wylie |
193a1 རང་གི་མཐོང་ཡུལ་ཙམ།། དེ་ནས་ཅིར་སྣང་ཐམས་ཅད་བསྒོམ།། དེ་ལྟར་སྟོང་གསུམ་དཀར་པོ་སྟེ།། དེ་ལྟར་དཀར་པོར་གོམས་གྱུར་ན།། འདོད་ཆགས་སྡུག་བསྔལ་སྤང་བའོ།། གཏི་མུག་སྡུག་བསྔལ
193a2 སྤོང་བ་ནི།། རང་གིས་སྤྱི་བོའི་གཙུག་ཏུ་ཡང་།། མར་མེ་གསལ་ལ་དངས་པ་གཅིག། བསྒོམས་པས་ཤེས་པ་གསལ་བ་དང་།། སེམས་ནི་སྟོང་པར་འདོད་པའོ།། དེས་ནི་གཏི་མུག་སྡུག་བསྔལ་སྤོངས།། དེ་ལྟར་རྣམ
193a3 བཞི་བསྒོམ་པ་ཡིས།། འབྲས་བུ་རྣམ་པ་བཞི་ཐོབ་བོ།། འབྲས་བུ་རྣམ་བཞི་གང་ཞེ་ན། འགོག་པ་བསྒོམ་པའི་འབྲས་བུ་ནི།། རྒྱུན་དུ་ཞུགས་པ་འཐོབ་པ་སྟེ།། ས་དང་པོ་རབ་ཏུ་དགའ་བ་འཐོབ་པ་སྟེ།། དེ་ཡང་ས
193a4 བདུན་མན་ཆད་དོ།། ཀུན་འབྱུང་བསྒོམ་པའི་རང་བཞིན་གྱིས།། ལན་ཅིག་ཕྱིར་མི་འོང་བ་འཐོབ།། ས་བརྒྱད་མན་ཆད་འཐོབ་པའོ།། ལམ་བསྒོམ་པ་ཡི་ཡོན་ཏན་གྱིས།། དགྲ་བཅོམ་འབྲས་བུ་འཐོབ་པ་ནི།། ས་བཅུ
193a5 མཐར་ཕྱིན་ཐོབ་པའོ།། ས་དང་ལམ་ལ་གནས་པའི་ཚེ།། ཉན་ཅིང་ཐོས་པར་བྱེད་པའོ།། ས་བདུན་མན་ཆད་སེམས་དཔའ་ནི།། རང་རང་དཔོན་ལ་ཉན་པའོ།། ས་བརྒྱད་མན་ཆད་སེམས་དཔའ་ནི།། སྤྲུལ་པའི་སྐུ་ལས
193a6 ཉན་པའོ།། དེ་ཡང་དངོས་པོར་མཐོང་མེད་དོ།། བྱིན་གྱི་རླབས་ཀྱིས་མཐོང་བའོ།། ཉན་ཐོས་ཐེག་པ་དེ་ལྟར་འདོད།། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་ཀྱེ་བཅོམ་ལྡན་ཐེག་ཆེན
iiif viewer powered by OpenSeadragon
