| e-texts navigator |
| Wylie |
192b1 གསུམ།། ཤེས་རབ་རྣམ་གསུམ་བསྒོམ་པ་ཡིས།། ས་བཅུའི་འབྲས་བུའི་ཐོབ་པར་འདོད།། ཉན་ཐོས་སྤྱི་ཡི་བསྒོམ་པ་ནི།། བདེན་པ་རྣམ་པ་བཞི་བསྒོམ་ཞིང་།། འབྲས་བུ་རྣམ་པ་བཞིར་འདོད་དོ།། དེ་ཡང་བསྒོམ
192b2 ལུགས་འདི་ལྟ་སྟེ།། འགོག་པ་བསྒོམ་པར་འདོད་པ་ལ།། ཀུན་འབྱུང་སྤང་བར་འདོད་པའོ།། འགོག་པ་བསྒོམ་ལུགས་འདི་ལྟ་སྟེ།། ཕྱི་ཡི་འབྱུང་བ་དེ་དག་ལ།། མི་ཆགས་གནས་སུ་ཞུགས་ནས་ནི།། དང་པོ་ཟས་ལ
192b3 གོམས་པར་བྱེད།། ཟས་ལ་གོམས་པར་གྱུར་པ་དང་།། བསམ་གཏན་ཏིང་ངེ་འཛིན་ནི་བསྒོམ་པར་བྱེད།། བསམ་གཏན་མི་རྟོག་ཚིག་ཚུགས་བསྒོམ།། རྒྱལ་བ་བྱམས་པའི་བསྟན་པ་ལ།། འབྲས་བུ་ཐོབ་པར་འདོད
192b4 པའོ།། ཀུན་འབྱུང་སྤང་བ་འདི་ལྟ་སྟེ།། ཟས་ཀྱི་འདུ་ཤེས་བྲལ་བ་དང་།། ཀུན་འབྱུང་རྒྱུན་ཟག་ཆོད་པར་འདོད།། དེ་ཡང་ཞེ་སྡང་གཉེན་པོར་བསྒོམ།། ཉོན་མོངས་ཐམས་ཅད་སེལ་བའོ།། ས་ལམ་བསྒོམ་པ་འདི་ལྟ
192b5 སྟེ།། འདོད་ཆགས་གཉེན་པོར་བསྒོམ་པ་དང་།། གཏི་མུག་གཉེན་པོར་བསྒོམ་པ་དང་།། དེ་བཞིན་ལམ་གྱི་བསྒོམ་པ་ནི།། སྡུག་བསྔལ་སྤང་བར་འདོད་པའོ།། ལམ་གྱི་བསྒོམ་ལུགས་འདི་ལྟ་སྟེ།། འདོད་ཆགས་གཉེན
192b6 པོར་བསྒོམ་པ་ནི།། རང་གི་དཔྲལ་བའི་དཀྱིལ་འཁོར་དུ།། ཀེང་རུས་དཀར་པོ་མཐེ་བོང་ཙམ།། དཀར་པོ་འོད་ཆགས་བསྒོམ་པ་ལ།། དེ་ལས་བསྐྱེད་པས་མགོ་བོ་ཙམ།། དེ་ནས་ལུས་པོ་ཙམ་བསྒོམས་ཏེ།། དེ་ནས
iiif viewer powered by OpenSeadragon
