| e-texts navigator |
| Wylie |
191a1 ཤེས་ཆད་དེ་སངས་རྒྱས་མེད་ཟེར་བའོ།། རྒྱུ་ཡང་མེད་པས་འབྲས་བུ་ཡང་མེད་པས་སྟོང་པ་བྱང་ཆད་དེ་ཟེར་བ་དག་ཀྱང་ཡོད་དོ།། ལམ་ལ་གནས་སྐབས་ཀྱིས་ཆད་པ་དག་འབྲས་བུ་གཏན་ཆད་ཟེར་བ
191a2 དག་ཀྱང་ཡོད་དོ།། ལོག་པའི་སེམས་ཀྱིས་སྲོག་གཅོད་དོ།། སྲོག་བཅད་པ་ལས་དོན་འབྱུང་ངོ་ཟེར་བ་དག་ཀྱང་ཡོད་དོ།། ཆད་པ་སྟོང་པ་ཡིན་ཅི་སྟེ་ཁྱོད་ཀྱང་ཆད། ང་ཡང་ཆད་པའི་ཕྱིར་སྟོང་པ་ཅང་མེད་ཟེར་བ་དག
191a3 ཡང་ཡོད་དོ།། རིག་བྱེད་གསང་བར་སྨྲ་བ་དག་ནི། དོན་ནམ་མཁའ་སྟོང་པ་ཅི་ལྟ་བ་བཞིན་དུ།། སྟོང་པ་བྱང་ཆད་ཡོད་པ་དངོས་པོར་མེད། ཆ་བག་གཅིག་ཡོད་དེ་དབང་པོ་ལ་སྣང་དུ་རུང་བ་ཡང་ཡོད་ཟེར་བ་དག་ཀྱང
191a4 ཡོད་དོ།། ཆ་མཐུན་པ་ལ་གོལ་བའི་མུ་སྟེགས་ཞེས་བྱ་བ་སྟེ།། ནང་པ་སངས་རྒྱས་པ་དང་ཆ་མཐུན་པ་ལས་གོལ་ཏེ། སངས་རྒྱས་པའི་གྲུབ་མཐའ་ལོག་པས་གོལ་བ་ཤ་སྟག་གོ། མངོན་པར་སྣང་བ་སེམས་ཀྱི་ཆོ་འཕྲུལ
191a5 ཞེས་བྱ་བར་རྟོག་སྟེ།། ཐམས་ཅད་ཆོ་འཕྲུལ་ཞེས་བྱ་བར་སྟོན་པ་དག་ཀྱང་ཡོད་དོ།། ཡང་འཁྲུལ་པའི་སྣང་བ་འདི་དག་བདེན་པ་ཡིན་ལ་དོན་དམ་པ་མེད་པའི་ཕྱིར་རོ་ཟེར་བ་དག་ཀྱང་ཡོད་དོ།། ཞེ་སྡང་སྐྱེས་པས
191a6 འབྱུང་པོ་ཚར་ཆོད་དེ་རིགས་ཀྱི་བུ་ཞེ་སྡང་ལ་གནས་པར་བྱའོ་ཟེར་བ་དག་ཀྱང་ཡོད་དོ།། ཆ་བྱད་དུ་སེམས་འདི་རང་སངས་རྒྱས་པ་ཡིན་པས་འདི་ལ་བཅོས་སུ་མེད་ཟེར་བ་དག་ཀྱང་ཡོད་དོ།། ལྷའི་སྐུ་བསྒོམས་པ
iiif viewer powered by OpenSeadragon
