| e-texts navigator |
| Wylie |
188a1 པར་བལྟ།། འབྲས་བུ་ཆད་པའི་དོན་ནི་སྟོང་པའོ།། སྟོང་པ་མེད་པའི་རྟག་པ་ནི།། རྟག་པའི་ཐེག་པའི་གྲུབ་མཐའ་ནི།། རྟག་པ་ཐེར་ཟུག་གྲུབ་མཐའ་སྟེ།། རྒྱུ་རྟག་དངོས་པོ་འདི་ལྟ་སྟེ།། རང་གི་ཙཉྫ2
188a2 དཀྱིལ་འཁོར་ན།། ཕ་ཡི་རྒྱུ་ལས་མ་བྱུང་ཞིང་།། མ་ཡི་རྐྱེན་ལ་མ་བརྟེན་པའི།། ཆེ་སྟེ་ཆེན་སྲན་མ་ཙམ།། ཆུང་སྟེ་ཆུང་ན་ཉུང་འབྲུ་ཙམ།། ཡང་ཆུང་སྒྲ་ཡི་རྩེ་མོ་ཙམ།། སྣུམ་ལ་འདྲིལ་བ་དཀར་ལ་དངས།། དེ་ནི་རྒྱུ་ཡི
188a3 རང་བཞིན་ཏེ།། ཡེ་ནས་མི་འགྱུར་རྟག་པར་ཡོད།། དེ་དང་བག་ཆགས་ཕུང་པོ་ནི།། མི་འབྲལ་གཅིག་ཏུ་གནས་པས་ན།། རྒྱུ་རྟག་པ་ཡི་གྲུབ་མཐའ་འདོད།། འབྲས་བུ་རྟག་པ་འདི་ལྟ་སྟེ།། ཕྱ་དང་དབང་ཕྱུག་ཆེན་པོ
188a4 ནི།། བསྟེན་ཅིང་མཆོད་པའི་ཡོན་ཏན་གྱིས།། དང་པོ་ལུས་འདི་བོར་གྱུར་ཀྱང་།། རང་རང་ས་ལ་སྐྱེ་བར་བྱེད།། ཕྱའམ་དབང་ཕྱུག་ཆེན་པོ་ཡིས།། བྱས་ཏེ་འབྲས་བུ་རྟག་པར་འདོད།། རྟག་དང་ཆད་པ་རྣམ་པ
188a5 གཉིས།། རང་རང་དོན་ལ་མི་མཐུན་པའོ།། དེ་ལ་སོགས་པའི་ལོག་ལྷ་རྣམས།། རྣམ་པ་བཞིར་ནི་འདུས་པར་འདོད།། མུ་སྟེགས་དང་ནི་མུར་ཟུག་དང་།། རྒྱང་འཕེན་དང་ནི་ཕྱལ་བའོ།། དེ་ཡང་བཤད་ལུགས་འདི་ལྟ
188a6 སྟེ།། མུ་སྟེགས་རྟག་པ་ཟེར་ཟུག་གོ།། མུར་ཐུག་ཕྱེད་རྟག་ཕྱེད་ཆད་དོ།། ཕྱལ་བ་ཆད་པ་ཕྱང་ཆད་དོ།། རྒྱང་འཕེན་འབྲས་བུ་ཆད་པའོ།། དེ་ལྟར་སུམ་བརྒྱ་དྲུག་ཅུ་ཡང་།། རྣམ་པ་བཞི་རུ་འདུས་པའོ།། དེ་ཡང་རྟག་ཆད
iiif viewer powered by OpenSeadragon
