| e-texts navigator |
| Wylie |
186b1 ཆེན་པོའི་རྒྱུད་ལས། རིག་པའི་བཞག་ཐབས་བསྟན་པའི་ལེའུ་སྟེ་ཉི་ཤུ་རྩ་བཞི་པའོ།། །། ད་ན་ཏྱ།། དྱ། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཟག་ཆེན
186b2 བདག། རིག་པའི་བཞག་ཐབས་དེ་ལྟར་ན།། ཐེག་པའི་དབྱེ་བ་གསུང་དུ་གསོལ།། ཞེས་ཞུས་སོ།། དེ་ནས་ཐུགས་རྗེ་ཆེན་པོ་དང་ལྡན་པ་དེས།། འདི་སྐད་ཅེས་བཀའ་སྩལ་ཏོ།། ཀྱེ་མ་གསང་བདག་ལེགས་པར
186b3 ཉོན།། ངས་བསྟན་ཡིད་ཀྱི་རྟོག་པ་སོལ།། ཐེག་པའི་དབྱེ་བ་འདི་ལྟ་སྟེ།། མདོ་དང་རྒྱས་པ་ཆེན་པོ་དང་།། ཤིན་ཏུ་རྒྱས་པ་ཆེན་པོའོ།། ཤིན་ཏུ་རྒྱས་པ་ཆེན་པོ་ནི།། བརྒྱད་ཁྲི་བཞི་སྟོང་བསམ་མི་ཁྱབ།། རྒྱ་ཆེ་གྲངས་མེད
186b4 ཆེན་པོ་སྟེ།། བསམ་གྱིས་མི་ཁྱབ་གཞལ་དུ་མེད།། བརྗོད་མེད་བསམ་འདས་ཆེན་པོའོ།། རྒྱས་པ་ཆེན་པོ་འདི་ལྟ་སྟེ།། དབྱེ་བ་རྣམ་པ་དགུར་འདོད་དེ།། ཉན་ཐོས་དང་ནི་རང་རྒྱལ་དང་།། དེ་བཞིན་བྱང་ཆུབ་སེམས
186b5 དཔའོ།། ཀྲི་ཡ་དང་ནི་ཨུ་པ་ཡ།། དེ་བཞིན་ཡོ་གའི་ཐེག་པར་བཤད།། མ་ཧཱ་ཨ་ནུ་ཡོ་ག་དང་།། དེ་བཞིན་རྫོགས་པ་ཨ་ཏིའོ།། དེ་ལྟར་རྣམ་པ་དགུར་བཤད་དེ།། ཆོས་ཀྱི་བསྟན་པ་ཆེན་པོ་ཡིན།། དེ་ནས་ཡང་གསང
186b6 བའི་བདག་པོས་འདི་སྐད་ཅེས་གསོལ་ཏོ། ཨེ་མ་བཅོམ་ལྡན་རྡོ་རྗེ་འཆང་།། ཐེག་པའི་བཤད་ལུགས་གསུང་དུ་གསོལ།། ཞེས་ཞུས་སོ།། ཡང་བཀའ་སྩལ་པ། ཀྱེ་ཧོ་གསང་བ་རྡོ་རྗེ་འཛིན། ང་ཡི་ཐེག་པ
iiif viewer powered by OpenSeadragon
