| e-texts navigator |
| Wylie |
186a1 པ།། ཀྱེ་ཀྱེ་རྡོ་རྗེ་འཛིན་པ་ཉོན།། ངས་བསྟན་ལེགས་པར་ཡིད་ལ་ཟུང་།། གསང་སྔགས་ཐམས་ཅད་སྒྲོན་མ་གཉིས་ལ་རྫོགས།། དེ་ཡང་ཁྱད་པར་འདི་ལྟ་སྟེ།། ཐིག་ལེ་སྟོང་པའི་སྒྲོན་མ་རྩོལ་བའི
186a2 སེམས་དང་བཅས།། རྩོལ་བྱེད་ཡོད་པས་སྒྲོན་མའི་དོན་མ་རྟོགས།། རིག་པ་དབྱིངས་ཀྱི་སྒྲོན་མ་ནི། རྩོལ་བའི་སེམས་དང་བྲལ་ཞིང་ཡེ་ཤེས་དབྱིངས་ལ་སྤྱོད།། དེ་ཡང་ནམ་མཁའ་གསལ་ལ་དངས་པ་ལ།། རིག་པ
186a3 མིག་ལ་བཅུག་ནས་ནི།། བལྟས་ན་སྣང་བ་མཐོང་བར་འགྱུར།། དེ་ལ་ཡང་ནི་འདི་ལྟ་སྟེ།། དབྱིངས་ལ་སྐུ་ཡིས་བརྒྱན་པ་ནི།། འདི་ལྟར་ཀུན་ལ་ཤེས་པར་བྱ།། རིག་པ་དབྱིངས་ཀྱི་སྒྲོན་མའི་དཀྱིལ།། སྟོང་པའི་ཡེ
186a4 ཤེས་འོད་གསལ་སྐུ།། འགུལ་བ་དང་ནི་འཕྲིགས་བཞིན་པ།། དེ་བཞིན་སྣ་ཚོགས་འཕྲོ་བའོ།། དེ་ལ་བརྟན་པ་ཐོབ་གྱུར་ན།། འགྲོ་མེད་འོང་མེད་ངང་དུ་ཐིམ།། འགུལ་དང་འཕྲིགས་པ་ག་ལ་ཡོད།། དེ་ནི་བརྟན་པ་ཐོབ
186a5 པའོ།། དེ་ལྟར་རྟོགས་པ་སྐྱེས་གྱུར་ནས།། དབྱིངས་ལ་སྒྲ་ཡིས་བརྒྱན་པ་ནི།། འདི་ལྟར་ཀུན་ལ་ཤེས་པར་བྱ།། རིག་པ་འགྱུར་བ་མེད་པ་ལ།། དབྱིངས་ནི་འོད་ཀྱི་སྣང་བར་ཤར།། ནམ་མཁའ་གང་བར་མཐོང་བ
186a6 ནི།། སྐུ་ལ་དབྱིངས་ཀྱིས་བརྒྱན་པའོ།། དེ་ལྟར་སྒྲོན་མ་རྣམ་པ་གཉིས།། འདུ་འབྲལ་མེད་པར་རྟོགས་པ་ནི།། སྐྱེ་མེད་དོན་ལ་འདུ་འབྲལ་མེད།། ཀ་དག་ས་ལ་མཐར་ཕྱིན་གྲོལ་བར་འགྱུར།། ཞེས་རིག་པ་རང་ཤར
iiif viewer powered by OpenSeadragon
