| e-texts navigator |
| Wylie |
185b1 པའི་ཡུལ་མེད་པས།། བྱར་མེད་ངང་དུ་རིག་པ་ཞོག། རྐྱེན་མེད་པ་ཡི་ཡེ་ཤེས་ལ།། དངོས་མེད་རང་གསལ་ཏིང་འཛིན་ཞོག། ཤེས་པ་གཅིག་པའི་ཡེ་ཤེས་ལ།། སྣ་ཚོགས་གསལ་བའི་ཏིང་འཛིན་ཞོག། ཡེ་ཤེས་དག
185b2 པའི་སྣང་བ་ལ།། ཆུ་བོའི་རྒྱུན་གྱི་ཏིང་འཛིན་ཞོག། བྱས་དང་བྱེད་པ་མེད་པ་ལ།། འཛིན་མེད་རང་གྲོལ་ཏིང་འཛིན་ཞོག། རྟག་ཆད་རྣམ་གཉིས་བལྟ་བ་ལ།། སྟོང་གསལ་གཉིས་མེད་ཏིང་འཛིན་ཞོག། སྟོང་པ་ཡེ་ཤེས
185b3 སྙིང་པོ་ལ།། སྐུ་ལྔ་མ་འདྲེས་ཏིང་འཛིན་ཞོག། སྐུ་དང་ཡེ་ཤེས་སྣང་བ་ལ།། རིག་པ་རྟོག་མེད་ཏིང་འཛིན་ཞོག། གསང་བ་ཙིཏྟའི་ཀློང་དཀྱིལ་དུ།། འགྱུར་མེད་རིག་པའི་ཏིང་འཛིན་ཞོག། ནམ་མཁའ་སྟོང་པའི་ཀློང
185b4 དཀྱིལ་ན།། སྒྲོན་མ་རྣམ་གཉིས་མ་འགགས་པ།། སོ་སོའི་དོན་ལ་རིག་པ་འགྱུར་མེད་ཞོག། ཐིག་ལེ་སྟོང་པའི་སྒྲོན་མའི་དོན་ཉིད་རྡོ་རྗེའི་སྐུ།། རིག་པ་དབྱིངས་ཀྱི་སྒྲོན་མ་ནམ་མཁའ་སྟོང་པའི་ཡུལ།། དཔེར་ན་ཡི་གེ
185b5 ན་རོ་བཞིན།། འགྲོ་བ་ཡོངས་ལ་ཁྱབ་པ་ཡིན།། ཞེས་གསུངས་སོ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐབས་ཀྱི་སྐུ།། ཐིག་ལེ་སྟོང་པའི་སྒྲོན་མ་དང་།། རིག་པ
185b6 དབྱིངས་ཀྱི་སྒྲོན་མ་གཉིས།། ཁྱད་པར་གང་གིས་ཕྱེ་བ་ལགས།། ཐུགས་ཀྱི་དཀྱིལ་ནས་བཅུད་ཕྱུང་བ།། མོས་དང་གུས་པའི་འཁོར་ལ་བཀའ་སྩལ་འཚལ།། ཞེས་ཞུས་སོ།། དེ་ནས་ཡང་བཀའ་སྩལ
iiif viewer powered by OpenSeadragon
