| e-texts navigator |
| Wylie |
185a1 ཙ་མེད་པའོ།། ཡི་གེའི་དཔེ་མཚོན་དོན་སྦྱོར་ནི།། དེ་བཞིན་ཀུན་ལ་གནས་པའོ།། ཞེས་བཀའ་སྩལ་ཏོ།། ཞེས་རིག་པ་རང་ཤར་ཆེན་པོའི་རྒྱུད་ལས།། ཡི་གེའི་འབྲུ་བཤད་བསྟན་པའི་ལེའུ་སྟེ་ཉི་ཤུ
185a2 གསུམ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྣམ་དག་སྐུ།། ཡི་གེའི་བཤད་ལུགས་དེ་ལྟར་ན།། རིག་པའི་བཞག་ཐབས་གསུང་དུ་གསོལ།། ཞེས་ཞུས་སོ།། རྡོ་རྗེའི་སྐུ་ཡིས
185a3 བཀའ་སྩལ་པ། ཀྱེ་ཧོ་གསང་བའི་བདག་པོ་ཉོན།། ཁྱོད་ཀྱི་དོན་བརྗོད་ཅི་ལྟར་ཡིན།། ཅེས་བཀའ་སྩལ་པ། གསང་བའི་བདག་པོས་འདི་སྐད་ཅེས་གསོལ་ཏོ་སྨྲས།། ཀྱེ་ཀྱེ་བཅོམ་ལྡན་ཐུགས་རྗེ་ཅན།། བདག་གི་དོན
185a4 བརྗོད་འདི་ལྟར་ལགས།། ཕྱག་གི་དོན་ནི་འཛིན་པ་སྟེ།། རྡོ་ཡི་དོན་ནི་རིགས་པ་ལགས།། རྗེ་ཡི་དོན་ནི་ཡེ་ཤེས་ལ།། སྣ་ཚོགས་རོལ་པར་འཆར་བ་ལགས།། གསང་བ་རིག་པའི་སྒྲོན་མ་ཉིད།། ཀུན་ལ་ཡོད་དེ་གསང
185a5 བ་ལགས།། བདག་གི་དོན་བརྗོད་དེ་བཞིན་ནོ།། དེ་ནས་ཡང་ཞུས་པ།། ཀྱེ་ཀྱེ་བཅོམ་ལྡན་ཐུགས་རྗེ་ཅན།། བདག་གི་དོན་བརྗོད་དེ་བཞིན་ཏེ།། རིགས་པའི་བཞག་ཐབས་གསུང་དུ་གསོལ།། ཞེས་ཞུས་སོ།། དེ་ནས
185a6 ཡང་བཀའ་སྩལ་པ། ཨ་ཧོ་གསང་བའི་བདག་པོ་ཉོན།། རིག་པའི་བཞག་ཐབས་འདི་ལྟ་སྟེ།། ཁྱོད་ཀྱིས་བློ་ལ་གོ་བར་གྱིས།། རྟོག་མེད་རྣམ་དག་ངོ་བོ་ལ།། འབྲས་བུ་གསལ་ལ་འཛིན་པ་མེད།། འཛིན་རྟོག་དམིགས
iiif viewer powered by OpenSeadragon
