| e-texts navigator |
| Wylie |
182a1 ལ་ཤེས་པར་བྱ། ཡི་གེའི་གནས་དང་ལོངས་སྤྱོད་དང་།། འདི་ལྟར་ཀུན་ལ་ཤེས་པར་བྱ།། དེ་ལ་འདོགས་དང་ཡན་ལག་ནི།། གུ་གུ་འོད་ཀྱི་ཡི་གེར་བཤད།། འགྲེང་བུ་ལམ་གྱི་ཡི་གེར་བཤད།། ན་རོ
182a2 དབྱིངས་ཀྱི་ཡི་གེར་བཤད།། ཀླད་སྐོར་ཆོས་ཉིད་ཡི་གེར་བཤད།། དེ་ནི་གོང་གི་ཡི་གེ་བཞི།། སྒྲོན་མའི་ཡི་གེར་འདོད་པའོ།། ཞབས་ཀྱུ་ཐུགས་རྗེའི་ཡི་གེར་བཤད།། ཡ་བཏགས་ཁྱབ་པའི་ཡི་གེར་བཤད།།
182a3 བཏགས་འཆར་བའི་ཡི་གེར་བཤད།། དེ་ལ་འདོགས་ནི་གང་བྱུང་བ།། འདོགས་དང་སྦྱར་ཏེ་བཤད་པའོ།། ཡང་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཡི་གེའི་འབྲུ་བཤད་དེ་ལྟར་ན།། ཡི་གེའི་འདོགས་བཤད
182a4 གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཨ་ཧོ་གསང་བའི་བདག་པོ་ཉོན།། ཡི་གེའི་འདོགས་བཤད་འདི་ལྟ་སྟེ།། ཡི་གེ་ཐམས་ཅད་འདོགས་ཀྱིས་བཤད།། ཡན་ལག་འདོགས་ཀྱི་དབང་དུ
182a5 བཤད།། དེ་ལ་ཡི་གེ་ཐམས་ཅད་ཀྱི།། བཤད་ལུགས་གཉིས་སུ་འདུས་པ་སྟེ།། མྱ་ངན་འདས་པའི་བཤད་ལུགས་དང་།། འཁོར་བའི་ཡི་གེའི་བཤད་ལུགས་སོ།། མྱ་ངན་འདས་པའི་ཡི་གེ་ནི།། འདོགས་དང་ཡན་ལག
182a6 བཤད་པའོ།། མ་དག་འཁོར་བའི་ཡི་གེ་ནི།། དང་པོ་མ་ལ་བཤད་པའོ།། དེ་ལྟར་བཤད་ལུགས་རྣམ་གཉིས་ཀྱིས།། ཡི་གེ་ཀུན་གྱི་དོན་འགྲོལ་ལོ།། དེ་ཡང་འདི་ལྟར་བཤད་པར་བྱ།། ཀོ་ཀོ། ཀེ་ཀེ། ཀི་ཀཱི། ཀུ་ཀཱ། ཀྱ
iiif viewer powered by OpenSeadragon
