| e-texts navigator |
| Wylie |
181a1 གསང་བའི་བདག་པོ་དང་། མཁའ་འགྲོ་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཡི་གེའི་བདག། ཡི་གེའི་འབྲུ་བཤད་གསུང་དུ་གསོལ།། ཞེས་ཞུས་སོ།། རྫུ་འཕྲུལ་ཅན་གྱིས་བཀའ
181a2 སྩལ་པ།། ཨ་ཧོ་ཉེ་བའི་འཁོར་རྣམས་ཉོན།། ངས་བསྟན་ལེགས་པར་ཡིད་ལ་ཟུང་།། སངས་རྒྱས་ཐམས་ཅད་དགོངས་པ་ནི།། ཚིག་དང་ཡི་གེ་མེད་པ་ལ།། ཚིག་དང་ཡི་གེ་ལྟར་སྣང་སྟེ།། འོན་ཀྱང་ཚིག་གིས་དོན་ཆེན
181a3 གྲོལ།། དེ་ཡང་ཡི་གེའི་འབྲུ་ལ་འདུས།། དེ་རྣམས་དོན་བཤད་འདི་ལྟ་སྟེ།། ཡི་གེ་ཐམས་ཅད་བསྐྱེད་པའི་རྒྱུ།། ཀ་ལ་ཡང་དག་རྫོགས་པར་གྲགས།། ཆོས་རྣམས་ཀུན་གྱི་མཐའ་སྡུད་ནི།། ཡི་གེ་ཨ་ལ་རྫོགས
181a4 པའོ།། ཆོས་རྣམས་ཀུན་གྱི་ནམ་མཁའ་ནི།། ཡི་གེ་ཁ་ལ་རྫོགས་པའོ།། ཆོས་རྣམས་ཀུན་གྱི་དྲི་མེད་ནི།། ཡི་གེ་ག་ལ་རྫོགས་པའོ།། ཆོས་རྣམས་ཀུན་གྱི་རིག་པ་ནི།། ཡི་གེ་ང་ལ་རྫོགས་པའོ།། ཆོས་རྣམ་ཀུན་གྱི་རོལ་པ
181a5 ནི།། ཡི་གེ་ཙ་ལ་རྫོགས་པའོ།། ཆོས་རྣམས་ཀུན་གྱི་དྲི་མེད་ནི།། ཡི་གེ་ཚལ་རྫོགས་པའོ།། ཆོས་རྣམས་ཀུན་གྱི་སྣང་བ་ནི།། ཡི་གེ་ཛ་ལ་རྫོགས་པའོ།། ཆོས་རྣམས་ཀུན་གྱི་ཉམས་མྱོང་ནི།། ཡི་གེ་ཝ་ལ་རྫོགས
181a6 པའོ།། ཆོས་རྣམས་ཀུན་གྱི་རྟག་པ་ནི།། ཡི་གེ་ཊ་ལ་རྫོགས་པའོ།། ཆོས་རྣམས་ཀུན་གྱི་དཀྱིལ་འཁོར་ནི།། ཡི་གེ་ཥ་ལ་རྫོགས་པའོ།། ཆོས་རྣམས་ཀུན་གྱི་ཆད་པ་ནི།། ཡི་གེ་ཌ་ལ་རྫོགས་པའོ།། ཆོས་རྣམས་ཀུན་གྱི
iiif viewer powered by OpenSeadragon
