| e-texts navigator |
| Wylie |
180b1 རྣམས་དང་ནི།། མ་རྟོགས་འཁོར་བའི་སེམས་ཅན་གཉིས།། ཁྱད་པར་གང་ལགས་གསུང་དུ་གསོལ།། ཞེས་ཞུས་སོ།། ཡང་བཀའ་སྩལ་པ། ཨེ་མ་ཧོ་གསང་བའི་བདག་པོ་ཉོན།། ངས་བསྟན་ལེགས་པར་ཡིད་ལ
180b2 ཟུང་།། རྟོགས་དང་མ་རྟོགས་ཁྱད་པར་ནི།། ངོ་སྤྲོད་ཉི་ཤུ་རྩ་གཅིག་གོ། ངོ་སྤྲོད་བསྟན་པ་རྟོགས་པའི་མཆོག། མ་བསྟན་གྲོལ་བར་ག་ལ་འགྱུར།། སངས་རྒྱས་ཐམས་ཅད་དགོངས་པ་ནི།། ངོ་སྤྲོད་ནང་དུ་ཤེས་པར
180b3 བྱབྱ།། དེ་ལྟར་ངོ་སྤྲོད་བསྟན་གྱུར་ན།། སངས་རྒྱས་བདེན་པ་མཐོང་བ་ཡིན།། སངས་རྒྱས་རྣམས་ཀྱི་བདེན་པ་ནི།། འོད་སྣང་དག་པའི་གཟིགས་སྣང་མཁྱེན།། དག་པའི་ཞིང་ལ་མཐར་ཕྱིན་འགྱུར།། རྣམ་དག་ལམ་ལ
180b4 རབ་གནས་ཤིང་།། དག་པའི་དབྱིངས་སུ་གཉིས་མེད་ཐིམ།། ཐིམ་ནས་འོད་ཟེར་ཕྱོགས་བཅུར་འཕྲོ།། ཉོན་མོངས་རྟོག་པ་སེལ་བར་འགྱུར།། ཡེ་ཤེས་དག་པའི་སྤྱོད་ཡུལ་ནི།། སྣང་བ་འགག་མེད་སོ་སོར
180b5 གསལ།། ཐུགས་རྗེ་འགག་མེད་ཕྱོགས་བཅུར་འཕྲོ།། ཡེ་ཤེས་འགག་མེད་ཡུལ་ལ་སྣང་།། སྒྲོན་མ་འགག་མེད་ཀུན་ལ་ཁྱབ།། ཤེས་རབ་འགག་མེད་དོན་ལ་སྤྱོད།། འགག་མེད་རྣམ་དག་ཆོས་དབྱིངས་འདི།། ཀུན་དང
180b6 མི་མཉམ་རང་གི་ཐུགས་ལ་འཆང་།། རྡོ་རྗེ་དོན་ཉིད་ཕོ་བྲང་འགྱུར་མེད་དོ།། ཞེས་རིག་པ་རང་ཤར་ཆེན་པོའི་རྒྱུད་ལས། སེམས་ཅན་གྱི་གྲོལ་ལུགས་བསྟན་པའི་ལེའུ་སྟེ་ཉི་ཤུ་རྩ་གཉིས་པའོ།། །། དེ་ནས་ཡང
iiif viewer powered by OpenSeadragon
