| e-texts navigator |
| Wylie |
178b1 སླད་ཀྱིས་འབྱོན་པའོ།། སྦྲུལ་སྐུ་ད་ལྟར་བཞུགས་པའོ།། དེ་ཡང་ཆོས་སྐུའི་ངང་ལ་རྫོགས།། ཆོས་སྐུ་འོད་ལྔའི་སྣང་བས་ཁྱབ་པས་ལོངས་སྤྱོད་རྫོགས་པའི་སྐུ།། ཆོས་སྐུ་ཅིར་ཡང་སྣང་བས་སྤྲུལ་པའི་སྐུ།། ཆོས་སྐུ
178b2 བསམ་པ་ཀུན་དང་བྲལ་བས་ཆས་ཀྱི་སྐུ་ལ་ཆོས་སྐུ་ཡིན།། ཆོས་སྐུ་བརྗོད་པའི་མཐའ་དང་བྲལ་བས་འདས་པ་ཡིན།། ཆོས་སྐུ་ཡུལ་དུ་མེད་པས་སླད་ཀྱིས་འབྱོན་པ་ཡིན།། ཆོས་སྐུ་ད་ལྟར་བསྟན་དུ་ཡོད་པས་ད་ལྟར
178b3 བཞུགས་པ་ཡིན། དེ་ཡང་རིག་པའི་ངང་ལ་རྫོགས། རིག་པ་འཛིན་པ་མེད་པས་ཆོས་ཀྱི་སྐུ་ཡི་རང་བཞིན་ཡིན།། རིག་པའི་སྣང་བ་འགག་པ་མེད་པས་ལོངས་སྐུའི་རང་བཞིན་ཡིན།། རིག་པ་སྣ་ཚོགས་ཅིར་ཡང་འཆར
178b4 བས་སྤྲུལ་པ་སྐུ་ཡི་རང་བཞིན་ཡིན།། དེ་ལྟར་རིག་པའི་ངང་ལ་ཆོས་རྣམས་ཐམས་ཅད་རྫོགས།། རིག་པ་སྐྱེ་མེད་ཤེས་ན་ཆོས་རྣམས་ཀུན་གྱི་མཆོག་གམ་རྩེ་མོ་ཡིན།། རིག་པ་འགག་མེད་ཤེས་ན་ཆོས་རྣམས་ཀུན་གྱི
178b5 མེ་ལོང་ཡིན།། རིག་པ་འགྱུར་མེད་ཤེས་ན་ཆོས་རྣམས་ཀུན་གྱི་འབྲས་བུ་ཡིན།། རིག་པ་ཕྱོགས་མེད་ཤེས་ན་ཆོས་རྣམས་ཀུན་གྱི་ལྟ་བ་ཡིན།། རིག་པ་རྟོག་མེད་ཤེས་ན་ཆོས་རྣམས་ཀུན་གྱི་འཁྱེར་སོ་ཡིན།། རིག་པ
178b6 རང་སར་ཤེས་ན་ཆོས་རྣམས་ཀུན་གྱི་འབྱུང་གནས་ཡིན།། རིག་པའི་འགྲོ་ས་ཤེས་ན་ཆོས་རྣམས་ཀུན་གྱི་བཞག་ས་ཡིན།། རིག་པ་གཉིས་སྣང་ཤེས་ན་ཆོས་རྣམས་ཀུན་གྱི་རང་ཡུལ་ཡིན།། རིག་པ་སེམས་མེད་ཤེས་ན།
iiif viewer powered by OpenSeadragon
