| e-texts navigator |
| Wylie |
177b1 ལས་ཀྱི་རླུང་ཞེས་བྱའོ།། ཡེ་ཤེས་ཀྱི་སྣང་བ་དང་འདུ་འབྲལ་མེད་པའི་ཕྱིར་ན། མེ་དང་མཉམ་དུ་གནས་པའི་རླུང་ཞེས་བྱའོ།། རླུང་ཐམས་ཅད་ལ་དོན་དེ་བཞིན་དུ་གནས་སོ།། ཞེས་རིག་པ་རང་ཤར་ཆེན་པོའི་རྒྱུད
177b2 ལས། ནང་གི་འབྱུང་བ་ལྔའི་དབྱེ་བ་བསྟན་པའི་ལེའུ་སྟེ་ཉི་ཤུ་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་འདས་པའི་སྐུ།། དུས་གསུམ་སངས་རྒྱས་ཐམས
177b3 ཅད་ཀྱི། དགོངས་པའི་གནས་ལུགས་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་ཧོ་འདུས་པའི་འཁོར་ཚོགས་མཁའ་འགྲོ་མ་དང་བཅས་པ་ཉོན་ཅིག། དུས་གསུམ་སངས་རྒྱས་ཐམས་ཅད་ཀྱི
177b4 དཀྱིལ་འཁོར་ཡོངས་སུ་རྫོགས་པ་ནི། རང་གི་རིག་པ་འགྱུར་མེད་བྱང་ཆུབ་སེམས་ལས་ཐམས་ཅད་བྱུང་།། རྟག་པར་རྡོ་རྗེའི་དོན་ལྡན་ཐམས་ཅད་གཉིས་མེད་གཅིག་གི་ངང་།། གཅིག་ཤེས་གྱུར་ན་ཆོས་ཉིད་བདེ་ཆེན
177b5 མཐོང་ཞིང་དེ་ལ་སྤྱོད།། ཙིཏྟའི་དཀྱིལ་འཁོར་འོད་དུ་གསལ་བས་འདས་པའི་སངས་རྒྱས་དངོས།། བར་དོའི་སྣང་བ་མ་འགགས་ལམ་དུ་འཆར་བས་མ་འོངས་སངས་རྒྱས་དངོས།། བྱང་ཆུབ་ལམ་གྱི་སྒྲོན་མ་ཡུལ་ལ
177b6 སྣང་བས་ད་ལྟའི་སངས་རྒྱས་དངོས།། དུས་གསུམ་སངས་རྒྱས་དགོངས་པ་ཚད་མར་བཞག་པ་ཡིན། དུས་གསུམ་སངས་རྒྱས་གཞན་ལ་མེད་པར་རང་བྱུང་རང་ལ་ཐིམ།། སངས་རྒྱས་རྣམས་ཀྱི་དགོངས་པ་ལག
iiif viewer powered by OpenSeadragon
