| e-texts navigator |
| Wylie |
175b1 པས་ཀྱང་ང་སྔར་བྱུང་།། འབྱུང་བ་ཆེན་པོ་ལྔ་ཉིད་ནི།། རང་ལས་བྱུང་ཞིང་རང་ལ་རྫོགས་པའོ།། འབྱུང་བའི་གཏན་ཚིགས་དེ་བཞིན་ནོ།། སངས་རྒྱས་རྣམས་ཀྱི་ཐུགས་རྗེ་ནི།། འབྱུང་བ་ལྔ་རུ་སྣང་བའོ།། འབྱུང་བ་ཆེན
175b2 པོའི་ཀློང་དཀྱིལ་དུ།། རང་བྱུང་ཡེ་ཤེས་གཏེར་དུ་སྦས།། སྟོང་པ་ཉིད་ཀྱི་ཕོ་བྲང་དུ།། དག་པའི་སྣང་བ་གཏེར་དུ་སྦས།། ཡེ་ཤེས་དབྱིངས་ཀྱི་ཀློང་དཀྱིལ་དུ།། སྐུ་ལྔ་འགྱུར་མེད་གཏེར་དུ་སྦས། ཆོས་ཉིད་བར་དོའི་སྣང
175b3 བ་ལ།། རིག་པའི་ཡེ་ཤེས་གཏེར་དུ་སྦས།། ཉོན་མོངས་ལྔ་ཡི་གཏིང་རུམ་དུ།། རིག་པ་འགག་མེད་གཏེར་དུ་སྦས།། བག་ཆགས་འཁྲུལ་པའི་ཀློང་དཀྱིལ་དུ།། ཤེས་རབ་གསལ་བ་གཏེར་དུ་སྦས།། དེ་ལྟར་སངས
175b4 རྒྱས་དུར་ས་ན།། རང་གི་སྙིང་གི་དཀྱིལ་དུ་སྦས།། གཏེར་ཆེན་དེ་རྣམས་རྟོགས་པར་བྱ།། ཞེས་རིག་པ་རང་ཤར་ཆེན་པོའི་རྒྱུད་ལས། ཕྱིའི་འབྱུང་བ་ལྔ་བསྟན་པའི་ལེའུ་སྟེ་བཅུ་དགུ་པའོ།། རྒ་མཱ་ཀཱ།
175b5 ཆ།། ། དེ་ནས་འདུས་པའི་འཁོར་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐུགས་རྗེ་ཆེན་པོ་དང་ལྡན་པ། ཕྱིའི་འབྱུང་བ་དེ་ལྟར་ལགས་ན། ནང་གི་འབྱུང་བ་གསུང་དུ་གསོལ།། ཞེས་ཞུས་སོ།།
175b6 ཡང་བཀའ་སྩལ་པ། ཨེ་མ་ཧོ། ངོ་མཚར་ཆེ་བའི་ཆོས་ངས་བསྟན་གྱིས་ལེགས་པར་ཉོན།། འབྱུང་བ་ཆེན་པོ་ལྔ་ནི་རང་གི་ལུས་ལ་ཚང་ངོ་།། དེ་ཡང་རླུང་རྣམ་པ་ལྔས་ཡེ་ཤེས་ཀྱི་གདངས་བྱེད་དོ།། མེ་རྣམ་པ་ལྔས་ཡེ
iiif viewer powered by OpenSeadragon
