| e-texts navigator |
| Wylie |
174b1 སོ།། དེ་ནས་ཡང་བཀའ་སྩལ་པ།། ཀྱེ་ཧོ་གསང་བའི་བདག་པོ་ཉོན།། འབྱུང་བ་ལྔ་ཡི་མཚན་ཉིད་ནི།། ངས་བསྟན་ཁྱོད་ཀྱིས་གོ་བར་གྱིས།། འབྱུང་བ་ཆེན་པོ་བཅོམ་ལྡན་འདས།། འགྲོ་བ་ཀུན་ལ་རང
174b2 བཞིན་གནས།། ཁམས་གསུམ་སེམས་ཅན་ཐམས་ཅད་ནི།། འབྱུང་བ་ལྔ་ཡི་དབྱིངས་ལ་སྤྱོད།། འབྱུང་བ་མེད་པའི་སྔོན་རོལ་ཏུ།། སངས་རྒྱས་སེམས་ཅན་མིང་ཡང་མེད།། འབྱུང་བ་ལྔ་ཉིད་མ་ཡི་དབྱིངས།། འབྱུང
174b3 བ་ལྔ་ལས་མ་གྲུབ་པའི།། སྐྱེ་འགྲོ་སེམས་ཅན་གཅིག་ཀྱང་མེད།། དེ་ལས་གནས་པའི་སེམས་ཅན་གྱི།། འབྱུང་བ་རྣམ་པ་གཉིས་སུ་བསྟན།། ཕྱི་འབྱུང་དང་ནི་ནང་འབྱུང་ངོ་།། ཕྱི་ཡི་འབྱུང་བ་འདི་ལྟ་སྟེ།། ས་ཟ་བ་དང
174b4 ཆུ་སྡུད་པ་དང་མེ་སྲེག་པ་དང་ནི།། དེ་བཞིན་རླུང་བསྐྱོད་པ་ཕྱིར་རླུང་དང་ནང་དང་གསང་བ་ལ་སོགས་དང་ནམ་མཁའ་ཡངས་པའོ།། འབྱུང་བ་ལྔ་ཡི་མཚན་ཉིད་ནི།། འབྱུང་བའི་རྒྱུ་ནི་ས་ཡིན་ནོ། འབྱུང་བའི་ཤེས་རབ་མེ་ཡིན
174b5 ནོ།། འབྱུང་བའི་སྤྲུལ་པ་རླུང་ཡིན་ནོ།། འབྱུང་བའི་བདག་པོ་ཆུ་ཡིན་ནོ།། འབྱུང་བའི་ཆོས་ཉིད་ནམ་མཁའ་འོ།། དེ་ལྟར་འབྱུང་བ་ཆེན་པོ་ལྔ།། ཕྱི་ཡི་འབྱུང་བ་ཆེན་པོར་འདོད།། དེ་ནས་ཡང་ཞུས་པ། ཀྱེ་ཀྱེ་བཅོམ་ལྡན
174b6 འབྱུང་ཆེན་བདག། འབྱུང་བའི་ངེས་ཚིག་གསུང་དུ་གསོལ།། ཞེས་ཞུས་སོ།། འབྱུང་བདག་ཆེན་པོས་བཀའ་སྩལ་པ།། ཨ་ཧོ་གསང་བའི་བདག་པོ་ཉོན།། འབྱུང་བའི་ངེས་ཚིག་འདི་ལྟ་སྟེ།། བྱས་པས་མ་བྱུང་འབྱུང
iiif viewer powered by OpenSeadragon
