| e-texts navigator |
| Wylie |
174a1 མཐའ་ཡས་སྐུ།། ཡེ་ཤེས་སོར་རྟོགས་ཡེ་ཤེས་ཡིན།། ཡུམ་ནི་གོས་དཀར་ཡུམ་ཆེན་མོ།། འབྱུང་བ་སྲེག་བྱེད་མེ་ཡིན་ནོ།། ཕུང་པོ་འདུ་ཤེས་ཕུང་པོའོ།། ས་ནི་རྣམ་པར་སྟོན་པའི་ས།། རིགས་ནི་པདྨའི
174a2 རིགས་སུ་བཤད།། ལྗང་གུ་དོན་ཡོད་གྲུབ་པའི་སྐུ།། ཡེ་ཤེས་བྱ་གྲུབ་ཡེ་ཤེས་ཡིན།། ཡུམ་ནི་དམ་ཚིག་སྒྲོལ་མར་འདོད།། འབྱུང་བ་འདེགས་བྱེད་རླུང་ཡིན་ནོ།། ཕུང་པོ་འདུ་བྱེད་ཕུང་པོའོ།། ས་ནི་བྱ་བ་ཟིན་པའི
174a3 ས།། རིགས་ནི་ལས་ཀྱི་རིགས་སུ་བཤད།། དེ་བཞིན་དག་པའི་སྣང་བའོ།། སེམས་ཅན་ཀུན་ལ་དེ་བཞིན་ནོ།། རང་རང་ལུས་ལ་གནས་པའོ།། བར་དོ་ལ་ཡང་དེ་བཞིན་འཆར།། ཐམས་ཅད་དེ་ཡི་ཀློང་དུ་ཡང་།།
174a4 ཡིས་བཤད་ཅིང་བསྟན་པའོ།། འོད་འདས་པའི་འོད་ཡུལ་དུ་སྣང་། མ་འོངས་པའི་འོད་སྦྱར་སྣང་བ། དང་། དེ་ཡང་སྐུ་གསུམ་དུ་སྣང་། དང་། ཡེ་ཤེས་སྔར་སྣང་བ་དང་། ཡུམ་ལྔར་བསྟན་དང་འབྱུང་བ་ལྔ་དང་ཕུང་པོ་ལྔ་དང་།། ས་དང་རིགས་ལྔའིས
174a5 བཅུ་དྲུག་ཏུ་འགུརསསུ་བཤད་པའོ།། བར་མ་དོ་ལ་དེ་ལྟར་སྣང་།། རྟོགས་པའི་བློ་ལ་དེ་ལྟར་རོ།། ཞེས་བཀའ་སྩལ་ཏོ།། ཞེས་རིག་པ་རང་ཤར་ཆེན་པོའི་རྒྱུད་ལས། འོད་ལྔ་སྐུ་དང་སྦྱར་བའི་ལེའུ་སྟེ་བཅོ་བརྒྱད
174a6 པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་འབྱུང་བའི་བདག། འོད་ཀྱི་དོན་སྦྱོར་དེ་ལྟར་ན།། འབྱུང་བའི་དཀྱིལ་འཁོར་གསུང་དུ་གསོལ།། ཞེས་ཞུ་བ་ཞུས
iiif viewer powered by OpenSeadragon
