| e-texts navigator |
| Wylie |
173b1 ངོངོ།། དཔེ་མཚོན་མན་ཤེལ་དྲི་མེད་བཞིན།། དུས་ནི་ཆོས་ཉིད་བར་དོའོ།། རིན་ཆེན་སྦུབས་ལས་མཐར་ཕྱིན་ནོ།། སྣང་བ་འདི་ལ་སྣང་ལུགས་སོ།། བར་མ་དོ་ལ་སྣང་ལུགས་ནི།། ཉི་ཤུ་རྩ་གཅིག་སྣང་ལུགས
173b2 དང་།། དག་པ་གཅིག་ཆོད་སྣང་ལུགས་སོ།། ཉི་ཤུ་རྩ་གཅིག་སྣང་ལུགས་ནི།། འོག་ནས་འབྱུང་བའི་ཚིག་ཏུ་བསྟན།། དག་པ་གཅིག་ཆོད་སྣང་ལུགས་ནི།། ཡེ་ཤེས་དག་པའི་ནམ་མཁའ་ལ།། འོད་ལྔ་འགྱུར་མེད
173b3 གསལ་བ་ནི།། དེ་ཡང་ཚོམ་བུ་ལྔ་ལྔ་དང་།། ཡབ་ཡུམ་ཚུལ་དུ་འཆར་བའོ།། དེ་ཡང་ཁ་དོག་འདི་ལྟ་སྟེ།། མཐིང་ག་རྣམ་པར་སྣང་མཛད་སྐུ།། ཡེ་ཤེས་ཆོས་དབྱིངས་ཡེ་ཤེས་ཏེ།། ཡུམ་ནི་ནམ་མཁའི་དབྱིངས་ཕྱུག
173b4 མ།། འབྱུང་བ་སྟོང་པ་ནམ་མཁའ་ཡིན།། ཕུང་པོ་གཟུགས་ཀྱི་ཕུང་པོ་ཡིན།། ས་ནི་བྱ་བ་རྫོགས་པའི་ས།། དེ་བཞིན་གཤེགས་པའི་རིགས་སུ་བཤད།། དཀར་པོ་རྡོ་རྗེ་སེམས་དཔའི་སྐུ།། ཡེ་ཤེས་མེ་ལོང་ཡེ་ཤེས
173b5 ཏེ།། ཡུམ་ནི་སངས་རྒྱས་སྤྱན་དུ་འདོད།། འབྱུང་བ་བསྐྱེད་པའི་ས་ཆེན་པོ།། ཕུང་པོ་རྣམ་ཤེས་ཕུང་པོ་སྟེ།། ས་ནི་སྣ་ཚོགས་འབྱུང་བའི་ས།། རིགས་ནི་རྡོ་རྗེའི་རིགས་སུ་བཤད།། སེར་པོ་རིན་ཆེན་འབྱུང་ལྡན་སྐུ།། ཡེ
173b6 ཤེས་མཉམ་ཉིད་ཡེ་ཤེས་སོ།། ཡུམ་ནི་མཱ་མ་ཀི་རུ་འདོད།། འབྱུང་བ་ཆུ་བོ་ཆེན་པོ་སྟེ།། ཕུང་པོ་ཚོར་བའི་ཕུང་པོའོ།། ས་ནི་བྱ་བ་བཏང་པའི་ས།། རིགས་ནི་རིན་ཆེན་རིགས་སུ་བཤད།། དམར་པོ་སྣང་བ
iiif viewer powered by OpenSeadragon
