| e-texts navigator |
| Wylie |
172b1 གྲོལ།། ཐ་སྙད་བཏགས་པའི་མིང་སྤངས་ཤིང་།། བྱ་བ་གྲུབ་པའི་ཡེ་ཤེས་ཡིན།། ཐུགས་རྗེའི་འོད་ཟེར་ཕྱོགས་བཅུར་འཕྲོ།། སྤྲུལ་པས་འགྲོ་བའི་དོན་བྱེད་ཕྱིར།། བྱ་བ་བྱེད་པའི་ཡེ་ཤེས་ཡིན།། ཡེ་ཤེས་འགྱུར་མེད
172b2 ངདང་ལ་བྱ་བ་བཏང་།། དངོས་པོ་མཚན་མའི་ཆོས་ལས་འདས་པ་ནི།། བྱ་བ་མི་གནས་ཡེ་ཤེས་ཡིན།། རིག་པ་རྟོག་མེད་གསལ་བ་ལ།། ཤེས་པ་ངང་གིས་དལ་བ་ནི།། བྱ་བ་བཏང་བའི་ཡེ་ཤེས་ཡིན།། ཕྱི་ནང་གསང
172b3 བའི་ཆོས་རྣམས་ཀུན།། རིག་པའི་ཀློང་དུ་ཀུན་འདས་པས།། སྒྲོ་འདོགས་ཆོད་པའི་ཡེ་ཤེས་ཡིན།། དེ་ལྟར་ཡེ་ཤེས་དོན་སྦྱར་ནི།། གང་ཞིག་མྱ་ངན་འདའ་འདོད་པས།། འདི་ལ་གནས་ན་གཉིས་མེད་ཐོབ།། སྐུ་གསུམ
172b4 མས་ལ་ཕྱིར་མི་ལྡོག། ཡེ་ཤེས་མཚོན་དཔེ་དེ་བཞིན་ནོ།། ཞེས་རིག་པ་རང་ཤར་ཆེན་པོའི་རྒྱུད་ལས། ཡེ་ཤེས་ཉི་ཤུ་རྩ་ལྔར་དབྱེ་བའི་ལེའུ་སྟེ་བཅུ་བདུན་པའོ།། །། དེ་ནས་ཡང་གསང་བའི་བདག་པོས
172b5 འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་འོད་ལྔའི་བདག། ཡེ་ཤེས་དོན་སྦྱོར་དེ་ལྟར་ན།། འོད་ལྔའི་སྣང་བ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་མ་གསང་བདག་རྡོ་རྗེ
172b6 འཛིན།། འོད་ལ་དབྱེ་བ་བསམ་གྱིས་མི་ཁྱབ་སྟེ།། དེ་ཡང་མདོར་བསྟན་ཡིད་ལ་ཟུང་།། དག་པ་ཡེ་ཤེས་འོད་དང་ནི།། མ་དག་འཁྲུལ་པའི་འོད་དུ་འདོད།། དེ་ཡང་བཤད་ལུགས་འདི་ལྟ་སྟེ།། མ་དག་འཁྲུལ་བའི་འོད
iiif viewer powered by OpenSeadragon
