| e-texts navigator |
| Wylie |
171b1 པའི་ཡེ་ཤེས་གཉིས།། སྒྲོ་འདོགས་ཐམས་ཅད་ཆོད་པའི་ཡེ་ཤེས་དང་ལྔའོ།། དྷི་མུ་ཨཿ་རྟོགས་མེད་ཀྱི་ཤེས་རབ་རང་ལ་ཤར་བས་སྐྱེ་མེད་རང་སྣང་དུ་ཤེས་པའོ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཧོ
171b2 བཅོམ་ལྡན་ཡེ་ཤེས་པ་དང་།། ཡེ་ཤེས་དབྱེ་བ་དེ་ལྟར་ན།། ཡེ་ཤེས་མཚོན་ཚིག་གསུང་དུ་གསོལ།། ཞེས་ཞུས་སོ།། རྡོ་རྗེ་འཆང་གིས་བཀའ་སྩལ་པ།། ཀྱེ་མ་གསང་བའི་བདག་པོ་ཁྱོད།། ཡེངས་མེད་རྩེ་གཅིག་སེམས
171b3 ཀྱིས་ཉོན།། རྣམ་དག་ཆོས་ཉིད་བདལ་བའི་ཀློང་།། རྣམ་པར་དག་པའི་དབྱིངས་སུ་བཤད།། རྟོག་མེད་བསམ་པ་ཀུན་སྤངས་ཤིང་།། དབྱིངས་ཆེན་གསལ་བའི་ཡེ་ཤེས་ཡིན།། ཕྱི་ནང་སྟོང་པ་རིས་མེད་ནི།། དབྱིངས
171b4 ཀྱི་ཡེ་ཤེས་ཆེན་པོར་འདོད།། ཕྱི་ནང་གསང་བའི་ཚིག་རྣམས་རྫོགས།། ཆོས་ཀྱི་དབྱིངས་ཀྱི་ཡེ་ཤེས་ཡིན།། གཉིས་མེད་དོན་ལྡན་རྡོ་རྗེའི་དོན་སྟོན་པ།། གཉིས་མེད་དབྱིངས་ཀྱི་ངོ་བོར་འདོད།། འགག་མེད་གསལ
171b5 གདངས་ཆེན་པོའི་དོན།། མེ་ལོང་ལྟ་བུའི་ཡེ་ཤེས་སོ།། དག་པ་གསལ་དངས་ངོ་བོ་ལ།། དག་པའི་སྣང་བ་དུས་གཅིག་རྫོགས།། མེ་ལོང་ཡེ་ཤེས་ཆེན་པོ་ཡིན།། རྣམ་རྟོག་ཡིད་ཡུལ་དུ་སྣང་བའི་སེམས་མ་ཞུགས་པ། མེད་སེམས
171b6 མེད་ལ།། ཡུལ་བདག་རྟོག་གི་བློ་ལས་འདས་པ་ཆགས་པའི་འཛིན་པ་མ་ཞུགས་ལ།། རྟོག་མེད་གསལ་བའི་ཡེ་ཤེས་ཡིན།། འོད་སྣང་མ་འགགས་གསལ་བ་ལ།། ཡིད་ཀྱི་རྟོགས་པ་མ་འགྲུས་པས།། རྟོག་མེད་དངས་པའི་ཡེ
iiif viewer powered by OpenSeadragon
