| e-texts navigator |
| Wylie |
170b1 ལུགས་རྣམ་པ་མང་།། འོག་ན་ཉམས་པའི་ཚིག་ཏུ་བསྟན།། དེ་ཡང་ངེས་ཚིག་འདི་ལྟ་སྟེ།། དབང་པོ་ཉི་ཤུ་རྩ་གཅིག་ཡོད་པའི་ཕྱིར།། སོ་སོར་རྟོག་ཞེས་དེ་ལ་བྱ།། སོ་སོར་རྟོག་པའི་ཡེ་ཤེས་དེ་བཞིན་ནོ།། བྱ་བ་གྲུབ
170b2 པའི་ཡེ་ཤེས་ནི།། ཅིར་སྣང་རིག་པའི་ངང་དུ་རྫོགས།། བྱ་བྱེད་རྟོགས་པའི་ངང་དུ་རྫོགས།། བྱ་མེད་རྟོག་མེད་ངང་དུ་རྫོགས།། བྱ་བ་བཏང་བའི་རྣལ་འབྱོར་དེ།། ཡང་དག་ས་ལ་དལ་བས་འགྲུབ།། དེ་ལྟར་ཡེ་ཤེས
170b3 ཆེན་པོའི་དོན།། རྟོགས་ན་ཡང་དག་ངེས་པར་གྲོལ།། མ་རྟོགས་པ་ཡི་སེམས་ཅན་ལ།། ཚིག་རེ་དོན་ངེས་གོ་བར་འགྱུར།། དེ་ཕྱིར་ཚིག་དང་དོན་འབྲེལ་ཞིང་།། ཚིག་གིས་དོན་ཆེན་མཚོན་པར་བྱེད།། དེས་ན་ཚིག་དོན
170b4 འབྲེལ་བས་བརྟགས།། མཚོན་པའི་ཚིག་དང་ཡི་གེ་ནི།། ཡང་དག་ཉིད་ལ་མེད་མོད་ཀྱང་།། བློ་ཡི་ཐེ་ཚོམ་བསལ་བའི་ཕྱིར།། ཚིག་ལ་རྟག་ཏུ་འདྲེས་པར་བྱ།། ཞེས་རིག་པ་རང་ཤར་ཆེན་པོའི་རྒྱུད་ལས། ཡེ་ཤེས་ལྔའི
170b5 དོན་བསྡུས་ཏེ་བསྟན་པའི་ལེའུ་སྟེ་བཅུ་དྲུག་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཧོ་བཅོམ་ལྡན་ཐུགས་རྗེ་ཆེན་པོ་དང་ལྡན་པ་ཡེ་ཤེས་ལྔའི་དོན་དེ་ལྟར་ལགས
170b6 ན།། ཡེ་ཤེས་ཉི་ཤུ་རྩ་ལྔའི་དོན་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་ཧོ་གསང་བའི་བདག་པོ་ཉོན་ཅིག། མ་ཡེངས་པར་སེམས་ཀྱི་རྟོག་པ་སོལ་ཅིག། ཡེ་ཤེས་ཉི་ཤུ་རྩ་ལྔ་ནི་འདི་ལྟ
iiif viewer powered by OpenSeadragon
