| e-texts navigator |
| Wylie |
169b1 བ།། ཆོས་ཀུན་ཁོང་ནས་སྐྱེ་བར་འགྱུར།། དེ་ལས་ཡེ་ཤེས་འབྱུང་བར་འགྱུར།། ཡེ་ཤེས་དབྱེ་བ་འདི་ལྟ་སྟེ།། ཉི་ཤུ་རྩ་ལྔའི་ངོ་བོ་ལས།། བསྡུས་ན་རྣམ་པ་ལྔར་འདུས་སོ།། དེ་ཡང་གྲངས་བསྟན་འདི་ལྟ་སྟེ།། ཆོས
169b2 དབྱིངས་ཡེ་ཤེས་རྟོག་མེད་དང་།། མེ་ལོང་ཡེ་ཤེས་འགག་མེད་གསལ།། མཉམ་ཉིད་ཡེ་ཤེས་མ་འདྲེས་རྫོགས།། སོར་རྟོགས་ཡེ་ཤེས་གོ་ཞིང་རྟོགས།། བྱ་གྲུབ་ཡེ་ཤེས་ཆོས་རྣམས་རྫོགས།། དེ་ལྟར་རྣམ་པ་ལྔར་འདོད
169b3 དོ།། ཞེས་བཀའ་སྩལ་ཏོ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཛིན།། ཡེ་ཤེས་དབྱེ་བ་དེ་ལྟར་ན།། ཡེ་ཤེས་བཤད་ལུགས་གསུང་དུ་གསོལ།། ཞེས་ཞུས་སོ།། དེ
169b4 ནས་ཡང་བཀའ་སྩལ་པ།། ཨེ་མ་ཧོ་གསང་བའི་བདག་པོ་ཉོན།། ཡེ་ཤེས་ཆེན་པོའི་བཤད་ལུགས་ནི།། རྟོགས་པ་མངོན་གྱུར་སངས་རྒྱས་དང་།། རང་བཞིན་ལྷུན་གྲུབ་སངས་རྒྱས་སོ།། ཡེ་ནས་རང་བཞིན་ལྷུན་གྱིས
169b5 གྲུབ།། ཤེས་ན་རྟོགས་པ་མངོན་དུ་གྱུར།། ཡེ་ཤེས་ངེས་ཚིག་དེ་བཞིན་ནོ།། ཚིག་དོན་སྦྱོར་བ་འདི་ལྟ་སྟེ།། ཆོས་ཀྱི་དབྱིངས་ཀྱི་ཡེ་ཤེས་ནི།། སྟོང་པ་ཆེན་པོའི་ཡུལ་ཉིད་དང་།། གསལ་བ་འོད་ཀྱི་སྣང་བ་དང་།། ཡེ
169b6 ཤེས་རིག་པའི་སྤྱོད་ཡུལ་གསུམ།། དེ་གསུམ་འཛོམ་པས་དབྱིངས་ཞེས་བྱའོ།། དེ་ལ་ཡང་ནི་རྣམ་པ་གཉིས།། དག་པ་ཡེ་ཤེས་དབྱིངས་ཉིད་དང་།། མ་དག་སེམས་ཅན་དབྱིངས་སུ་བསྟན།། དག་པ་ཡེ་ཤེས་དབྱིངས
iiif viewer powered by OpenSeadragon
