| e-texts navigator |
| Wylie |
169a1 རིག་པ་རང་སར་གྲོལ།། དཔེར་ན་སྦྲུལ་གྱི་མདུད་པ་བཞིན།། རང་སར་རང་གྲོལ་ཆེན་པོར་འགྱུར།། གང་དག་ཚིག་ལ་མི་གནས་མིང་ལ་མི་གནས་ན།། དེ་ནི་ཤེས་རབ་ཕ་རོལ་ཕྱིན།། སངས་རྒྱས་ཉིད
169a2 ཀྱི་དགོངས་པའོ།། ཤེས་རབ་ཀྱིས་ནི་དེ་ཉིད་ཐོབ།། ཉོན་མོངས་ཀུན་ལས་གྲོལ་བར་འགྱུར།། སངས་རྒྱས་དགོངས་པ་རང་བྱུང་ཉིད།། སུས་ཀྱང་རྟོགས་པར་མི་འགྱུར་རོ།། རྡོ་རྗེ་སེམས་དཔའ་བདག་ཉིད་ཀྱང་།། རྡོ།
169a3 རྗེ་སྤོ་ལ་ང་སངས་རྒྱས།། དེ་ཕྱིར་སྤྲུལ་པ་ཕྱོགས་བཅུར་མཛད།། གཉིས་མེད་ཡེ་ཤེས་རྡོ་རྗེ་སེམས་དཔའི་ངང་།། རྡོ་རྗེ་སེམས་དཔའ་གཉིས་མེད་རང་ལ་རྫོགས།། རང་བྱུང་ཡེ་ཤེས་གཉིས་མེད་རྟོགས་པའི་དོན་དང
169a4 ལྡན།། ཡེ་ཤེས་སྣང་བ་འགག་མེད་ཆེན་པོ་སྟེ།། རང་ལས་བྱུང་ཞིང་རང་ལ་ཐིམ།། ཐ་དད་རང་བཞིན་འགྱུར་བ་མེད།། དེ་ཕྱིར་སྐུ་ལྔའི་ཡེ་ཤེས་སོ།། སྐུ་དང་ཡེ་ཤེས་འདུ་འབྲལ་མེད།། དོན་ལ་དེ་བཞིན་གནས
169a5 པའོ།། ཞེས་རིག་པ་རང་ཤར་ཆེན་པོའི་རྒྱུད་ལས།། སྐུ་ལྔའི་ལེའུ་སྟེ་བཅོ་ལྔ་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་གསང་སྔགས་བདག། སྐུ་ལྔའི་སྣང
169a6 བ་དེ་ལྟར་ན།། ཡེ་ཤེས་སྣང་བ་གསུང་དུ་གསོལ།། ཞེས་ཞུས་སོ།། དེ་ནས་ཡང་ཐུགས་རྗེ་དང་ལྡན་པ་དེས་འདི་སྐད་ཅེས་བཀའ་སྩལ་ཏོ།། ཀྱེ་མ་གསང་བདག་ངེས་པར་ཟུང་།། ཆོས་མེད་ཤེས་རབ་རང་བྱུང
iiif viewer powered by OpenSeadragon
