| e-texts navigator |
| Wylie |
168b1 རིགས།། པདྨའི་རིགས་དང་ལས་ཀྱི་རིགས།། དེ་བཞིན་རིགས་ལྔར་འདོད་པའོ།། དེ་ཡང་དོན་སྦྱོར་གང་ཞེ་ན། རིག་པའི་དོན་ལ་དེ་བཞིན་གཤེགས་པས་དེ་བཞིན་རིགས་སུ་བཤད།། རིག་པའི་དོན་ལ་སྐྱེ་དང་འཆི་བ
168b2 མེད་པས་རྡོ་རྗེའི་རིགས་སུ་བཤད།། རིག་པའི་དོན་ལས་སྣ་ཚོགས་འབྱུང་བས་རིན་པོ་ཆེ་ཡི་རིགས་སུ་བཤད།། རིག་པའི་དོན་ལ་སྐྱོན་མེད་དག་པས་པདྨའི་རིགས་སུ་བཤད།། རིག་པའི་ངང་ལས་བྱ་བ་ཐམས་ཅད
168b3 བྱུང་བས་ལས་ཀྱི་རིགས་སུ་བཤད།། དེ་བཞིན་སྣང་བ་ཡེ་ཤེས་ཆེན་པོ་ལ།། རིགས་ཀྱི་ངེས་པ་དེ་བཞིན་ནོ།། དེ་ནི་རིགས་ཀྱི་ཚིག་དོན་ནོ།། སྐུ་ཡི་ཚིག་དོན་རྣམ་པ་ལྔ།། དེ་ཡང་བཤད་ལུགས་འདི་ལྟ་སྟེ།། རྣམ་སྣང
168b4 དང་ནི་རྡོ་རྗེ་སེམས།། དེ་བཞིན་རིན་ཆེན་འབྱུང་ལྡན་ལ།། སྣང་བ་མཐའ་ཡས་དོན་ཡོད་གྲུབ།། དེ་ཡང་དོན་ལ་སྦྱོར་ལུགས་ནི། རིག་པའི་སྣང་བ་འགག་པ་མེད་པས་རྣམ་པར་སྣང་མཛད་ཡིན།། རིག་པས་བདག་དོན
168b5 གཞན་དོན་གཉིས་ཀ་རྟོགས་པས་རྡོ་རྗེ་སེམས་དཔའ་ཡིན།། ཅིག་ཆར་རིག་པར་ཤེས་པས་རིན་ཆེན་འབྱུང་ལྡན་ཡིན།། རིག་པ་སྣང་བར་མཐོང་བས་སྣང་བ་མཐའ་ཡས་ཡིན།། རིག་པ་སྐྱེ་མེད་རྟོགས་པས་དོན་ཡོད
168b6 གྲུབ་པའོ།། དེ་ལྟར་སྐུ་ལྔའི་དོན་ལ་མ་ཡེངས་འགྱུར་མེད་སྤྱོད་པ་ན།། སྐུ་ལྔ་མཐར་ཕྱིན་སྐུ་གཅིག་དོན་ལ་སྤྱོད།། སྐྱེ་མེད་ཆོས་སྐུ་གདོད་ནས་དག་པ་ལ།། བྱ་དང་བྱེད་པའི་ཆོས་ཀུན་ཀ་ནས་མེད།། བྱ་བྱེད་བྲལ་བས
iiif viewer powered by OpenSeadragon
