| e-texts navigator |
| Wylie |
168a1 ཆེ།། རིག་པའི་སྒྲོན་མ་གཏིང་དཔག་དཀའ་བའི་དོན།། ལམ་གྱི་སྒྲོན་མ་ཡེ་ཤེས་འོད་དུ་གསལ།། མིག་གི་སྒྲོན་མས་མཐོང་བ་མ་འགག་གསལ།། དེ་རྣམས་སྐུ་གསུམ་རྒྱན་དུ་འདོད།། ཅེས་རིག་པ་རང
168a2 ཤར་ཆེན་པོའི་རྒྱུད་ལས། སྐུ་གསུམ་གཅིག་ཏུ་དྲིལ་པའི་ལེའུ་སྟེ་བཅུ་བཞི་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སྐུ་གསུམ་གནས་ལུགས
168a3 དེ་ལྟར་ན།། སྐུ་ལྔའི་གནས་ལུགས་གསུང་དུ་གསོལ།། ཞེས་ཞུས་སོ།། རྡོ་རྗེ་འཆང་གིས་བཀའ་སྩལ་པ།། ཀྱེ་ཀྱེ་གསང་བདག་སེམས་དཔའ་ཉོན།། སྐུ་ལྔ་ཡེ་ཤེས་སྣང་བ་ནི།། ཡབ་ཡུམ་གཉིས་ཀྱི་ཚུལ་དུ་སྣང་།། ཡབ
168a4 ཀྱི་ཆ་འཛིན་ཐབས་ཀྱི་སྐུ།། ཡུམ་གྱི་ཆ་འཛིན་ཤེས་རབ་སྐུ།། ཐབས་དང་ཤེས་རབ་གཉིས་ལྟར་སྣང་།། དེ་ཡང་ཐབས་ནི་འགག་པ་མེད།། ཤེས་རབ་འབྱུང་བ་མེད་པའོ།། འགག་མེད་ཀློང་དང་འགྱུར་མེད
168a5 ཀློསློང་།། གཉིས་མེད་གཅིག་གི་ངང་སྣང་ལ།། འདུ་འབྲལ་མེད་པའི་ངང་དུ་ཤེས།། དེ་ལྟར་རྟོགས་ན་སངས་རྒྱས་དངོས།། དེ་ཡང་སྐུ་ལྔའི་སྣང་བ་ནི།། ངོ་བོ་མཚན་དང་དཔེ་བྱད་ལྡན།། རང་བཞིན་སོ་སོའི་མཚན་ཉིད
168a6 འཛིན་པའོ།། དེ་ཡང་སྟོང་པའི་མུ་དང་ཚིག་གི་མུ།། མུ་གཉིས་བསལ་ནས་ས་ལེར་གནས་པའོ།། དེ་ཡང་རིགས་ནི་ལྔར་སྣང་ཞིང་།། དེ་བཞིན་གཤེགས་པའི་རིགས་དང་ནི།། རྡོ་རྗེའི་རིགས་དང་རིན་ཆེན
iiif viewer powered by OpenSeadragon
