| e-texts navigator |
| Wylie |
167a1 དང་བྲལ།། ལོངས་སྤྱོད་རྫོགས་པའི་སྐུ་ནི་རྣམ་རྟོག་བདུད་དང་བྲལ།། དེ་ལྟར་སྐུ་གསུམ་སྣང་བ་ལས།། ཡང་དག་བསྐྱེད་དང་དམིགས་པ་མེད།། འཇུག་དང་གྲོལ་བའི་སེམས་ཀྱང་མེད།། འཛིན
167a2 དང་སྤྱོད་པ་ག་ལ་ཡོད།། ཆགས་དང་ཞེན་པའི་ཚིག་ལས་འདས།། སྤང་བྱ་སྤོང་བྱེད་གཉིས་ལས་འདས།། ཡུལ་དང་སེམས་དང་ཡིད་ལས་འདས།། ཡུལ་དང་དམིགས་པ་མེད་པ་ལ།། རང་སྣང་ཅིག་ཆོད་སྣང
167a3 བའོ།། འཛིན་མེད་རང་སར་གྲོལ་བ་སྟེ།། སྤྲུལ་པ་ཕྱོགས་བཅུར་མཛད་གྱུར་ན།། དམིགས་པ་དག་པའི་ཡུལ་སྣང་ལ།། ཡེ་ཤེས་ཅིག་ཆོད་སྐྱེ་བར་འགྱུར།། དམིགས་པ་མེད་པའི་ཡུལ་སྣང་ལ།། མཚན་མ་རང་སར
167a4 གྲོལ་བར་འགྱུར།། དེ་ལས་སྤྲུལ་པ་རྒྱ་ཆེར་འབྱུང་།། དེ་ཡང་ལུས་ལ་སྣང་ལུགས་ནི།། རིག་པ་ཆོས་སྐུའི་ངོ་བོ་ཡིན།། དེ་ལས་སྣང་བ་མ་འགགས་པས།། ལོངས་སྐུའི་ངོ་བོར་ཡང་དག་འདོད།། དེ་ཕྱིར་སྐུ་གསུམ་ལུས
167a5 ལ་རྫོགས།། སྐུ་གསུམ་དག་པའི་སྣང་བ་ལ།། གཅིག་རྫོགས་གཉིས་རྫོགས་ཐམས་ཅད་རྫོགས།། ཡེ་ཤེས་སྣང་བ་མ་འགགས་གསལ།། བྱ་བ་བཏང་བའི་རིག་པ་ལ།། སྣང་དག་ཡེ་ཤེས་འོད་ཟེར་འཕྲོ།། རྟོག་མེད
167a6 དག་པའི་རིག་པ་ལ།། འོད་ཟེར་སྣ་ལྔ་མ་འགགས་གསལ།། འཛིན་མེད་རང་གྲོལ་ཆེན་པོ་ལ།། ཕྱི་ནང་གསང་བའི་ཆོས་རྣམས་རྫོགས།། བྱ་བ་བཏང་བའི་རིག་པ་ལ།། བྱ་བྱེད་ཆོས་རྣམས་དུས་གཅིག
iiif viewer powered by OpenSeadragon
