| e-texts navigator |
| Wylie |
166b1 གཟུགས་ཡོད་པ་དང་། སྐྱེ་གནས་ནི་རྒྱལ་རིགས་སམ་རིགས་མཐོ་བ་རྣམས་སུ་སྐྱེའོ།། སྤྱོད་པ་གང་ལྟར་ཡང་མཐུན་པ་ལྟར་སྤྱོད་པའོ།། ཅི་སྐད་སྨྲས་ཀྱང་དེ་ལ་རྗེས་སུ་མི་འཛིན་པའོ།། རང་གི་ཞེ་ལ་འདོད་པ་མི
166b2 བསྒྲུབ་པའོ།། བྱ་རྩོལ་དང་འཛིན་པ་དང་གིས་མེད་པའོ།། སེམས་ཅན་གང་གིས་ཀྱང་འདོད་པའི་གོ་སེལ་བའོ།། དེ་རྣམས་དང་ལྡན་པ་ནི་སྤྲུལ་པའི་སྐུ་ཡིན་པར་ཤེས་པར་བྱའོ།། ཞེས་རིག་པ་རང་ཤར་ཆེན་པོའི་རྒྱུད
166b3 ལས། སྤྲུལ་པའི་སྐུའི་ལེའུ་སྟེ་བཅུ་གསུམ་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་ཀྱེ་བཅོམ་ལྡན་སྐུ་གསུམ་བདག། སྦྲུལ་སྐུའི་ཆོས་ཉིད་དེ་ལྟར་ན།། སྐུ་གསུམ་དགོངས་པ
166b4 གསུང་དུ་གསོལ།། ཞེས་ཞུས་སོ།། ཡང་བཀའ་སྩལ་པ། ཀྱེ་ཀྱེ་གསང་བདག་རྡོ་རྗེ་ཅན།། ངས་བསྟན་ལེགས་པར་ཡིད་ལ་ཟུང་།། སྐུ་གསུམ་ཡེ་ཤེས་སྣང་བ་ནི།། གང་ལ་ཐོགས་པ་མེད་པ་དང་།། དམིགས་པའི་ཡུལ
166b5 ནི་གཅིག་པ་ཡི།། ངོ་བོ་སོ་སོར་སྣང་བའོ།། ཆོས་ཀྱི་སྐུ་ཡི་སྣང་ལུགས་སོ།། རང་བཞིན་གཅིག་ལ་ངོ་བོ་གཉིས།། ལོངས་སྤྱོད་རྫོགས་པའི་སྣང་བ་ཡིན།། ངོ་བོ་ཐ་དད་རང་བཞིན་ཐ་དད་ཅིང་།། གང་ལ་མི་འགག་བྱ
166b6 བྱེད་མེད།། སྤྲུལ་པ་སྐུ་ཡི་སྣང་བ་ཡིན།། དེ་ཡང་ཆོས་སྐུའི་དོན་བརྗོད་པ།། སྐུ་གསུམ་གཅིག་ལ་རྫོགས་པའོ།། སྐུ་གསུམ་གཅིག་ནི་རང་བཞིན་པ།། དུ་མར་སྣང་བ་འཁྲུལ་པ་ཡིན།། ཆོས་ཀྱི་སྐུ་ནི་བསམ་པའི་ཡུལ
iiif viewer powered by OpenSeadragon
