| e-texts navigator |
| Wylie |
165a1 ཆགས་ལུས་ལྟར་སྣང་བའོ།། དུས་ལ་བབ་པའི་སེམས་ཅན་ལ།། ཡང་དག་དོན་ཆེན་སྟོན་པར་བྱེད།། འགྲོ་བ་གང་དག་འདུལ་བ་ལ།། དེ་དང་མཐུན་ལྷའི་ཡུལ་དུ་བརྒྱ་བྱིན་ལྟ་བུའམ། ལྷ་མ་ཡིན་ལ་ཐགས་བཟང་རིས
165a2 མི་ལ་ཤ་ཀ་ཐུབ། བྱོལ་སོང་ལ་རུ་རུ་ལྟ་བ། ཡི་དྭགས་ལ་ཁ་འབར་མ་ལྟ་བུ། དམྱལ་བ་ལ་ཆོས་ཀྱི་རྒྱལ་པོ་ལྟ་བུར་སྤྲུལ་ནས་ཆོས་སྟོན་པོའོ་པར་སྣང་བའོ།། ཐམས་ཅད་སྐད་ནི་ཤེས་པ་ལྷའི་སྐད་ལ་སོགས་པས་རང་རང་དང་མཐུན་པར་ཆོས་སྟོན། སྟེ།། གང་གི་སྐད་ལ
165a3 དེ་སྟོན་པའི།། ལྷ་ལ་སོགས་པའི་ཆ་ལུགས་སུ་སྤྲུལ་ནས་མཐུན་པས་མཐུན་པར་འདུལ་བ་ལ།། ལ་ལར་ཉན་ཐོས་ལ་ཉོན་མོངས་པ་འདོད་ཆགས་ཀྱི་ཕྱོགས་སྤང་བར་བསམ། ཚིག་གི་སྒོ་ནས་སྟོན།། ལ་ལར་རྟེན་འབྲེལ་སྒོ་ནས་སྟོན་རང་སངས་རྒྱས་ལ
165a4 ང་རྒྱལ་སྤང་བར་བསྟན།། ལ་ལར་སྨོན་འཇུག་སྒོ་ནས་སྟོན། བྱང་ཆུབ་སེམས་དཔའི་ཐེག་པས་ཞེ་སྡང་སྤང་བར་བསྟན།། ལ་ལར་སྐྱེད་པའི་སྒོ་ནས་སྟོན། ཀྲི་ཡའི་སྒོ་ནས་གཏི་མུག་སྤང་བར་བསྟན། ལ་ལར་གཉིས་ཀའི་སྒོ་ནས་སྟོན་ཨུ་པའི་ཐེག་པས་ཕྲག
165a5 དོག་སྤང་བར་བསྟན།། ལ་ལར་བྱང་ཆུབ་ལྔ་ཡིས་སྟོན། ཡོ་གས་ཁོང་ཁྲོ་སྤང་བར་བསྟན། ལ་ལར་ཏིང་འཛིན་གསུམ་གྱིས་སྟོན། མ་ཧ་ཡོགས་ཉོན་མོངས་གནས་བསྒྱུར། ལ་ལར་དབྱིངས་དང་ཡེ་ཤེས་སྟོན་ཨ་ནུས་ཉོན་མོངས་པ་སྤྱད་པར་འདོད།།
165a6 རྫོགས་ཆེན་དོན་ནི་ཨ་ཏིས་ཉོན་མོངས་པ་གནས་དག་ཏུ་བསྟན། འགའ་ལས་འབྱུང་མི་འགྱུར།། གང་ཟག་ལས་ཅན་རིགས་ཅན་འགའ་ལས་གཞན་དུ་མ་གསུངས་པའོ།། འགའ་ལ་སྣང་།། དེ་ཡང་སྟོན་ལུགས་འདི་ལྟ་གསང་སྔགས་ཀྱི་སྣོད་དུ་རུང་བ་ལ
iiif viewer powered by OpenSeadragon
