| e-texts navigator |
| Wylie |
164b1 འགྱུར་བ་མེད་པར་ཁ་དོག་སོ་སོར་གསལ་བས་སྐུ།། རང་བཞིན་གསལ་ལ་མ་ཡེངས་ཐུགས་རྗེ་ཕྱོགས་བཅུར་འཆར་བས་སྐུ།། ཞེས་བཀའ་སྩལ་ཏོ།། ཞེས་རིག་པ་རང་ཤར་ཆེན་པོའི་རྒྱུད་ལས། ལོངས་སྤྱོད་རྫོགས
164b2 པའི་སྐུའི་ལེའུ་སྟེ་བཅུ་གཉིས་པའོ།། །། དེ་ནས་ཡང་གསང་བའི་བདག་པོས་འདི་སྐད་ཞུས་སོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ལོངས་སྐུའི་གནས་ལུགས་དེ་ལྟར་ན།། སྦྲུལ་སྐུའི་སྣང་ལུགས་ཇི་ལྟར
164b3 ལགས།། དཔའ་བོ་ཆེན་པོས་བཀའ་སྩལ་ཞུ།། ཞེས་ཞུས་སོ།། བཅོམ་ལྡན་རྡོ་རྗེ་འཆང་གིས་བཀའ་སྩལ་པ།། ཀྱེ་མ་གསང་བའི་བདག་པོ་ཉོན།། ངས་བསྟན་བློ་ཡི་རྟོག་པ་སོལ།། སྤྲུལ་པ་སྐུ་ཡི་མཚན་ཉིད་ནི།། བྱ་བ
164b4 རྫོགས་དང་བྱ་བ་བྱེད།། རྣམ་པ་གཉིས་སུ་འདོད་པའོ།། དེ་ཡང་བསྟན་པ་འདི་ལྟ་སྟེ།། བྱ་བ་རྫོགས་པའི་སྦྲུལ་སྐུ་ནི།། རང་གི་རྒྱུད་གྲོལ་མངོན་སངས་རྒྱས།། དེ་ནས་སྤྲུལ་པ་འགྱེད་པའོ།། ཕྱི་ནང་བྱ་བ་རྫོགས་པ
164b5 སྟེ།། བྱ་བ་རྫོགས་པའི་སྦྲུལ་སྐུར་འདོད།། བྱ་བ་བྱེད་པའི་སྦྲུལ་སྐུ་ནི།། གང་འདུལ་དེ་ལ་དེར་སྟོན་རིགས་དྲུག་གི་སྟོན་པ་གང་ཡིན་པ་དེའི་ཆ་བྱད་དུ་སྤྲུལ་ལོ། ཅིང་།། གཞན་དང་ལྷའི་སྐད་ལ་སོགས་པ་ཡང་སྟོན།། མཐུན་པར་སྣང་བ
164b6 ལ།། དོན་ནི་གོང་མ་ལྟ་བུའོ།། གཞན་གྱི་དོན་ལ་མ་རྨོངས་ཤིང་།། ཅིར་ཡང་བསྒྱུར་དུ་བཏུབ་བའོ།། གཞན་དང་མཐུན་པར་སྣང་བ་ལ།། འགྲོ་བ་ཟིལ་གྱིས་གནོན་པའོ།། ཉོན་མོངས་ངང་གིས་མེད་པ་ལ།། བག
iiif viewer powered by OpenSeadragon
