| e-texts navigator |
| Wylie |
164a1 པས་སྤྱོད།། འཛིན་པ་མེད་པར་རང་གསལ་ཀུན་ལ་རོལ་པས་སྤྱོད།། སང་ངེ་སལ་ལེ་ཀུན་ལ་སྙོམས་པར་གནས་པས་སྤྱོད།། ལྷང་ངེ་ལྷན་ནི་ཡུལ་ལ་གནས་ཤིང་སྤྲུལ་པ་འགྱེད་པས་སྤྱོད།། སྐུ་གཉིས
164a2 དོན་ལ་མཐའ་ཕྱིན་རོལ་པས་སྤྱོད།། འཛིན་མེད་རང་གི་ས་ལ་གནས་ཤིང་སྤྲུལ་པ་ཕྱོགས་བཅུར་མཛད་པས་སྤྱོད།། ཐམས་ཅད་འབྱུང་ཞིང་ཐམས་ཅད་བསྐྱེད་པས་སྤྱོད་པའི་མཐར་ཕྱིན་ཡིན་པས་སྤྱོད།། ཕྱི་ནང་གསང
164a3 བ་ཀུན་ལ་འདས་པས་རྫོགས།། དམིགས་མེད་དོན་རྟོགས་པ་ལ་ཅིག་ཆར་སྣང་བས་རྫོགས།། རྟག་ཆད་ཀྱི་ཕྱོགས་སུ་མ་ལྷུང་འགྲོ་འོད་མེད་པས་རིག་པའི་རྩལ་རྫོགས།། བློ་ལས་འདས་པས་བྱས་པ་མ་ཡིན་དཔྱད་པའི་ཕྱོགས་དང་བྲལ
164a4 རང་ལ་བྱུང་བས་རྫོགས།། རང་གི་དོན་རྟོགས་གཞན་གྱི་དོན་ཆེན་འགྲེལ་པས་རྫོགས།། བྱ་བ་ཐམས་ཅད་བྱ་བྱེད་ཀུན་ལས་འདས་པས་རྫོགས།། དངོས་པོ་ལས་འདས་པས་སྟོང་པའི་ཡེ་ཤེས་རང་ལ་ཆས་པས་པ།། སྟོང་ཉིད
164a5 མ་འགགས་སོ་སོར་གསལ་བས་པ།། ཡེ་ཤེས་མ་འགགས་ཐབས་ལ་རོལ་བས་པ།། གསལ་ལ་མི་རྟོག་འཛིན་པ་མེད་པས་པ།། རྒྱན་དང་ཆ་ལུགས་རང་གི་མཚན་ཉིད་འཛིན་པས་པ།། འཛིན་མེད་རང་གསལ་ངོ་བོར
164a6 གནས་པས་སྐུ།། ཁ་དོག་སྣང་བ་སོ་སོའི་མཚན་ཉིད་འཛིན་པས་སྐུ།། རྡོ་རྗེའི་དོན་ཉིད་དོན་དང་ལྡན་པས་སྐུ།། དོན་རྟོགས་རང་རང་མཚན་དང་ལྡན་པའི་ཕྱིར་ན་སྐུ།། ཕྱི་དང་ནང་མེད་ཀུན་ཏུ་གསལ་བས་སྐུ།། ངོ་བོ
iiif viewer powered by OpenSeadragon
