| e-texts navigator |
| Wylie |
163a1 པ་ངོ་བོ་ཡེ་ཤེས་སྙིང་པོའོ།། རིག་པ། གསལ་བ་དབྱིངས་འོད་ཀྱི་སྙིང་པོ་རིག་པའོ།། རྩོལ་བ་ལས་འདས་པ་རང་བྱུང་རིག་པའི་སྙིང་པོ་རིག་པའི་ངོ་བོའོ།། སྙིང་པོ་ཡེ་ཤེས་སྐུ་གསུམ་དང་ལྡན་པ་ཆོས་ཀྱི་སྐུ་འོད་ཀྱི་སྙིང་པོ།། ཡེ
163a2 ཤེས་དོན་རྟོགས་ས་ལམ་བགྲོད་པ་མེད།། བརྗོད་པའི་མཐའ་དང་བྲལ་བའི་ཆོས་སྐུ་ཆེན་པོ་འདི།། ཀུན་ལ་གནས་ཏེ་ཀུན་གྱིས་རྟོགས་པ་མེད།། ཡིད་མེད་སེམས་མེད་མ་རིག་འཁྲུལ་པ་མེད།། ཅེས་བཀའ་སྩལ
163a3 ཏོ།། ཞེས་རིག་པ་རང་ཤར་ཆེན་པོའི་རྒྱུད་ལས། ཆོས་སྐུའི་མཚན་ཉིད་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོན་ལྡན་སྤྲུལ
163a4 པའི་སྐུ།། ཆོས་ཀྱི་སྐུ་ཡི་མཚན་ཉིད་དེ་ལྟར་ན།། ལོངས་སྐུའི་མཚན་ཉིད་གསུང་དུ་གསོལ།། ཞེས་ཞུས་སོ།། རྡོ་རྗེ་འཆང་གིས་བཀའ་སྩལ་པ།། ཨེ་མ་ཧོ་གསང་བདག་ངེས་པར་ཟུང་།། ལོངས་སྤྱོད་རྫོགས་པའི་སྐུ་ལ
163a5 ཡང་།། དབྱེ་ན་བསམ་གྱིས་མི་ཁྱབ་སྟེ།། མདོར་བསྟན་ལེགས་པར་ཡིད་ལ་ཟུང་།། ཁ་དོག་མ་འདྲེས་སོ་སོའི་མཚན་འཛིན་པ།། མཚན་དང་དཔེ་བྱད་བཟང་པོའི་འོད་ཟེར་འབར།། ཡབ་དང་ཡུམ་དང་སྐུ་ཡི་ཆ་ལུགས
163a6 འཛིན།། ལོངས་སྤྱོད་རྫོགས་པའི་སྐུ་ཡི་མཚན་ཉིད་དོ།། སྐྱེ་བ་ཡོད་དེ་འཆི་མེད་རྡོ་རྗེ་ལྡན།། རང་གི་འོད་ལྔ་སྐུ་རིགས་ལྔ་ཁ་དོག་མ་འདྲེས་སོ་སོར་གསལ།། ཡབ་རྣམ་སྣང་། རྡོ་རྗེ་སེམས་དཔའ་རིན་འབྱུང་སྣང་མཐའ། དོན་གྲུབ་བོ། ལྔ་ཡུམ
iiif viewer powered by OpenSeadragon
