| e-texts navigator |
| Wylie |
162a1 བདག་གི་བཟུང་བ་ཙམ་དུ་བཟུང་ཡང་ལམ་ལ་ཙེ་རིང་མེད་དོ།། གསུམ། ཆོས་ཀྱི་སྐུ་ཡི་མཚན་ཉིད་ཡེ་ཤེས་ཀྱི་ལམ་སྣང་བའི་ཡུལ་དུ་ཤར་ནས་རབ་ཏུ་གྱེས་པ་དེ་ལས་འཛིན་པ་ལྟར་མཛད་དོ།། ཡིན།། མི་འཇིག་སྟོང་དང་གསལ་བ་དང་།། བྱ
162a2 པཐམས་ཅད་རྫོགས་པ་ནི།། ཆོས་ཀྱི་སྐུ་ཡི་ངེས་ཚིག་གི། འགྱུར་མེད་སྒྲ་ཉིད་འགྱུར་བ་མེད་པས་ཡེ་ནས་ཕྱོགས་དང་རིས་སུ་མེད་པ་དག་གི་ཆོས་སྒྲ་ཆེན་པོར་བཞུགས་སོ།། འགགས་མེད་ཡེ་ཤེས་ཀྱི་སྒྲ་དེ་ལ་དྲི་མ་མེད་ཅིང་འགག་པ་མེད་པས་སྣང་བ་ལ་ཐོགས
162a3 ཐུགས་མེད་དོ།། ཁྱབ་པ་དེ་ཡང་ཀུན་ལ་ཁྱབ་པས་ཏེ་རང་གི་སྲིང་གི་དཀྱིལ་ན་ཡེ་ཤེས་ས་བོན་འོད་དང་འོད་ཀྱི་ཚུལ་དུ་གནས་པ་དེ་ཉིད་ཀུན་ལ་ཁྱབ་པའི་ཕྱིར་རོ།། གསུམ།། ཆོས་ཀྱི་སྐུ་ཡི་ངོ་བོའོ།། གསལ་ཀ་དག་གི་རྔ་བོ་ལ་ཡེ་ཤེས་ཀྱི་སྣང་བ་ཕྱོགས་བཅུར་ཤར་ནས་ནུབ
162a4 པ་མེད་པའོ།། ང་དངས་འབྱུང་བ་འོད་དུ་འབྱུང་ཞིང་གསལ་བ་ཟེར་དུ་གསལ་བས་ཆོས་ཀྱི་སྐུ་ལ་མཚན་མ་མེད་པའོ།། དང་མ་འདྲེས་དེ་ཡང་ཁ་དོག་དང་ཡུལ་ཆོས་ཀྱི་དབྱིངས་སུ་སྣང་བ་ལ་རང་གི་དེ་ཉིད་ལ་གཞན་འགྲུ་ཞིང་འོད་དུ་འཕྲོ་བའོ།། གསུམ།། ཆོས་ཀྱི་སྐུ་ཡི་ཡུལ
162a5 ཡིན་ནོ།། དཔག་མེད་དེ་ཡང་ཚད་ཀྱིས་གཟུང་དུ་མེད་པ་རྒྱ་ཆེ་ཆུང་མེད་པ་དབྱིངས་འདི་ཞེས་བྱ་བར་མེད་པའི་སྣང་བ་དང་བཅས་པའོ།། དམིགས་མེད་མཐའ་དང་དབུས་མེད་པས་ཕྱོགས་ལ་གནས་པ་མེད་པའོ།། འཛིན་པ་མེད། དེ་ལ་ཡིད་མེད་པས་ཆགས་པ་དང་ཡིད་དུ
162a6 འོང་བ་མེད་དོ།། ཆོས་ཀྱི་སྐུ་ཡི་ཡེ་ཤེས་ཀྱི་ལམ་དུ་མ་ཤར་བས་སྣང་བ་རང་གསལ་བའོ།། གནས་ཡིན་ནོ།། སྣང་བ་འགག་མེད་ཡུལ་ལ་ཞེན་མེད་སེམས་ལ་ཆགས་པ་མེད།། ཆོས་ཀྱི་སྐུ་ཡི་སྤྱོད་པའོ།། མི་རྟོག་པ་ལྷན་ནེ་མ་ཡེངས་པ་ལྷང་ངེ་མཉམས
iiif viewer powered by OpenSeadragon
