| e-texts navigator |
| Wylie |
161b1 རྫོགས་པར་འགྱུར།། དམ་ཚིག་ཉམས་པའི་སྔ་ལྟས་སུ།། མི་བདེ་རྣམ་པ་སྣ་ཚོགས་འབྱུང་།། ཡམས་དང་འཚེ་བའི་ནད་རྣམས་དང་།། རིམས་ནད་སྣ་ཚོགས་འབྱུང་བར་འགྱུར།། གདོན་དང་ལོག་འདྲེན་རྣམས་ཀྱིས
161b2 ཀྱང་།། བསད་ནས་སེམས་ཅད་དམྱལ་བར་འགྲོ།། མིག་གིས་གཟུགས་མི་མཐོང་བར་འགྱུར།། རྣ་བ་འོན་ཞིང་ལས་མི་འགྲུབ།། མཛེ་དང་ཤུ་བའི་ནད་རྣམས་འབྱུང་།། ཆོམ་རྐུན་རྒྱལ་པོའི་ཆད་པ་འབྱུང་།། གཞན་ལ
161b3 མེད་པའི་རིམས་ནད་འབྱུང་།། བུ་དང་ཆུང་མ་འཆི་བར་སྟོན།། ཡུལ་རྣམས་ཐམས་ཅད་དགྲར་ལྡང་ཞིང་།། བྱས་པ་དོན་མེད་ཆེན་པོར་འགྱུར།། སྔ་ལྟས་དེ་ལྟར་བྱུང་བ་དང་།། གོང་དུ་བསྟན་པའི་བཤགས་པ
161b4 བྱ།། བྱས་ན་བཟློག་པའི་དངོས་གྲུབ་འབྱུང་།། ཞེས་རིག་པ་རང་ཤར་ཆེན་པོའི་རྒྱུད་ལས།། དམ་ཚིག་གི་ལེའུ་སྟེ་བཅུ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་ཡེ་ཤེས
161b5 སྐུ།། དམ་ཚིག་བྱེ་བྲག་དེ་ལྟར་ན།། ཆོས་སྐུའི་མཚན་ཉིད་གསུང་དུ་གསོལ།། ཞེས་ཞུས་སོ།། རྡོ་རྗེའི་སྟོབས་ཀྱིས་བཀའ་སྩལ་པ།། ཀྱེ་མ་རྡོ་རྗེ་འཛིན་རྒྱལ་ཉོན།། ངས་བསྟན་ལེགས་པར་ཡིད་ལ་ཟུང་།། ཆོས་སྐུ་ཡེ
161b6 ཤེས་ཆེན་པོའི་ལུང་།། མཚན་ཉིད་རྣམ་པ་གསུམ་དང་ལྡན།། ངོ་བོ་མི་འགྱུར་བའི་སྙིང་པོ་དང་ཤར་བའི་ཡེ་ཤེས་ལྷང་ངེ་བའོ། རང་བཞིན་མ་འགགས་པ་རང་གསལ་ཡུལ་ལས་ཐལ་བྱུང་རྒྱ་ཆད་མེད་པར་སྣང་བའོ།། ཐུགས་རྗེ་ཀུན་ཏུ་ཁྱབ་པའི་ཐུགས་རྗེ་ཡུལ
iiif viewer powered by OpenSeadragon
