| e-texts navigator |
| Wylie |
161a1 འགྱུར།། སྐུ་ཡི་དམ་ཚིག་ཉམས་འགྱུར་ན།། རྡོ་རྗེ་དམྱལ་བ་ཆེན་པོར་འཚེད་འཚོང་།། འོ་དོད་འབོད་པའི་གནས་སུ་སྐྱེ།། དཔོན་གྱིས་ཉམས་ན་སྦྱང་ཐབས་མེད།། གཉིས་ཀ་ངུ་འབོད་ཆེན་པོར
161a2 སྐྱེ།། སློབ་མས་ཉམས་ན་སྦྱང་ཐབས་ཡོད།། གསུང་རབ་རྒྱ་ཆེན་བཀླག་པ་དང་།། ཚོགས་ཀྱི་འཁོར་ལོ་རྒྱ་ཆེན་བསྐོར།། འཁོར་གསུམ་ཡོངས་དག་བྱ་བར་གསུངས།། གསུང་གི་དམ་ཚིག་ཉམས་གྱུར་ན།། སྣང་བ
161a3 འགགས་པར་འགྱུར་བ་དང་།། མུན་རུམ་ཆེན་པོའི་གནས་སུ་སྐྱེ།། དེ་ནས་ཐོན་པར་གྱུར་ནས་ཀྱང་།། ལྐུག་པ་དག་ཏུ་སྐྱེ་བར་འགྱུར།། དེ་ཡང་སྦྱང་ཐབས་འདི་ལྟ་སྟེ།། མར་མེ་བརྒྱ་རྩའི་ཆོ་ག་དང་།། སྤང་སྐོང་བརྒྱ་རྩ
161a4 འདོན་པ་དང་།། བཤགས་པ་རྣམ་པ་སྣ་ཚོགས་བྱ།། དེས་ནི་སྦྱངས་པའི་ཡོན་ཏན་མཐོང་།། ཐུགས་ཀྱི་དམ་ཚིག་ཉམས་གྱུར་ན།། ཡིད་འཁྲུགས་ཆེན་པོའི་གནས་སུ་སྐྱེ།། རྟག་ཏུ་རྩོད་པ་རྒྱུན་མི་འཆད།། འཐབ་དང
161a5 སྡུག་བསྔལ་ཆེན་པོ་དང་།། ཡང་ན་དྲན་པ་མེད་པར་འགྱུར།། ཡང་ན་དྲན་པ་རེངས་པར་འགྱུར།། སྒྲོ་འབོག་ནད་ཀྱིས་ཐེབས་པར་འགྱུར།། ཐ་མ་དུ་འབོད་གནས་སུ་སྐྱེ།། དེ་ཡང་སྦྱང་ཐབས་འདི་ལྟ་སྟེ།། སློབ་དཔོན
161a6 མཉེས་པའི་རྫས་ཀྱིས་མཆོད།། འབྱོར་ཚོགས་ཅི་ཡོད་འཕགས་པ་མཆོད།། དེ་ལྟར་བཤགས་པ་བྱས་གྱུར་ན།། བསམ་པ་ཐམས་ཅད་འགྲུབ་པར་འགྱུར།། འདོད་པ་ཐམས་ཅད་བསྐོར་བར་འགྱུར།། བྱ་བ་ཐམས་ཅད
iiif viewer powered by OpenSeadragon
