| e-texts navigator |
| Wylie |
159a1 དོན་ལ་སྦྱར།། ཕྱི་ནང་བྱ་བ་ཐམས་ཅད་ཤེས།། ཡི་དམ་ལྷ་དང་འདུ་འབྲལ་མེད།། ཏིང་ངེ་འཛིན་ལ་ཡེངས་པ་མེད།། རྫོགས་ཆེན་མན་ངག་དོན་ལྡན་པའི།། གསང་སྔགས་གསང་བའི་རྒྱུད་ལ
159a2 མཁས།། ཕྱི་ནང་སྒྲུབ་ཐབས་ཐམས་ཅད་བྱེད།། ལྟ་བའི་དོན་ལས་མི་འདའ་ཞིང་།། ཕྱི་ནང་གསང་བའི་བྱ་བ་བཏང་།། ཡོན་ཏན་ནོར་བུ་རིན་ཆེན་ལྟར།། ཟད་མེད་གཏེར་ལ་སྤྱོད་པའོ།། ཐུགས་རྗེའི་འབྲེལ་ཐག་མ
159a3 ཆད་ཅིང་།། བརྩེ་གདུང་རྒྱུན་ཐག་མ་ཆད་པ།། སློབ་དཔོན་སློབ་མའི་འབྲེལ་བའོ།། དེ་ལྟར་མན་ངག་སློབ་དཔོན་ལ།། རང་ལུས་དང་ནི་རིན་ཆེན་རྫས།། ཤིན་ཏུ་དཀོན་པ་དག་གིས་བསྙེན།། དད་པའི་སྟོབས་དང
159a4 བརྩོན་འགྲུས་ཆེ།། ཤེས་རབ་ཆེ་ཞིང་འཛིན་ཆགས་མེད།། ཕུ་དུད་ཆེ་ཞིང་གསང་སྔགས་སྤྱོད།། རྟོག་མེད་སེམས་ལ་ཡེངས་པ་མེད།། དམ་ཚིག་ལྡན་ཞིང་བསྒྲུབ་ལ་བརྩོན།། བྲེང་ངེ་དུང་ངེ་བསྒྲུབ་ལ་བརྩོན།། ལྷང་ངེ
159a5 ལྷན་ནེ་བསྒོམ་ལ་སྤྱོད།། སློབ་དཔོན་གསུངས་པ་ཅི་བཞིན་བྱེད།། དམ་ཚིག་ཕྱལ་བར་མི་བཏང་ཞིང་།། སྤྱོད་ལམ་གཞན་དང་མཐུན་པར་སྤྱོད།། གུས་པའི་ཚུལ་གྱིས་སེམས་དད་ཅིང་།། ཚིག་གཅིག་བསྟན་པ་རྗེས་སུ
159a6 འཛིན།། རང་གི་དོན་ལ་དེ་བཞིན་སྤྱོད།། གསང་བར་གཉེར་གཏད་ཐུབ་པར་བྱེད།། རྡོ་རྗེའི་དོན་ལས་མི་འདའ་ཞིང་།། ཐོས་པ་ཆེ་བའི་གང་ཟག་བསྟན།། རང་གི་དོན་ལ་འདའ་བ་མེད།། དྲེགས་པའི་ཚིག་མེད་འཇམ
iiif viewer powered by OpenSeadragon
