| e-texts navigator |
| Wylie |
158a1 པའི་སྐྱོན་ནི་འདི་ལྟ་བུའོ།། བར་མ་དོ་ལ་བྲེད་པ་དང་སྔངས་པ་དང་། རྡུགས་པ་དང་། ཐོགས་པ་དང་། འདུ་ཤེས་ཤོར་བ་ཡང་འབྱུང་ངོ་།། བག་ཆགས་ཀྱི་ལུས་མ་བོར་བར་དུ་ཡང་འགྲོ་བ་རྣམས་ཀྱི
158a2 བཀུར་བའི་འོས་སུ་མི་མཐོང་བ་དང་། བསོད་ནམས་ཆུང་བ་དང་། ཚེ་ཐུང་བ་དང་། འཚོ་བའི་ལོངས་སྤྱོད་ཉུང་བ་དང་། ཁས་ཉེན་པ་དང་། བར་ཆད་མང་པོ་འབྱུང་ངོ་།། བྱ་བ་ཐམས་ཅད་མི་འགྲུབ་པོ།། དེ་ནི་གསང
158a3 སྔགས་སྤྱོད་པའི་དབང་མ་ཐོབ་པའི་སྐྱོན་ནོ།། གསང་སྔགས་སྦྱོང་བའི་རྣལ་འབྱོར་པས་དང་པོ་དབང་ཐོབ་པར་བྱའོ།། དབང་མ་ཐོབ་ན་སངས་རྒྱས་ཀྱང་།། དེ་བཞིན་གཤེགས་པའི་ས་ལ་འཁོར་ལོ་བསྐོར་མི་ནུས
158a4 སོ།། འཁོར་ལོ་མ་བསྐོར་ན་ཐུགས་རྗེས་སྤྲུལ་པའི་སྐུས་འགྲོ་བའི་དོན་བྱེད་མི་ནུས་སོ།། དེའི་ཕྱིར་ན་གསང་སྔགས་སྤྱོད་པས་དབང་ཐོབ་པར་བྱའོ།། ཞེས་རིག་པ་རང་ཤར་ཆེན་པོའི་རྒྱུད་ལས། དབང་མ་ཐོབ་པའི
158a5 སྐྱོན་བསྟན་པའི་ལེའུ་སྟེ་བརྒྱད་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐབས་ལ་མཁས།། དབང་གི་རྣམ་པ་དེ་ལྟར་ན།། དམ་ཚིག་དབྱེ་བ་གསུང
158a6 དུ་གསོལ།། ཞེས་ཞུས་སོ།། དམ་ཚིག་བདག་པོས་བཀའ་སྩལ་བ།། ཀྱེ་མ་ཕྱག་ན་རྡོ་རྗེ་ཉོན།། དམ་ཚིག་འབུམ་སྡེར་གསུངས་པ་ལས།། བསམ་གྱིས་མི་ཁྱབ་དམ་ཚིག་རྣམས།། རྣམ་པ་གཉིས་སུ་འདུས་པར
iiif viewer powered by OpenSeadragon
