| e-texts navigator |
| Wylie |
156b1 དབང་ཆེན་དེ་བཞིན་ནོ།། དོན་གྱི་དབང་མཆོག་དཀྱིལ་འཁོར་ལ།། གཅིག་རྫོགས་གཉིས་རྫོགས་ཐམས་ཅད་རྫོགས།། དོན་དབང་ཡེ་ཤེས་མཚོན་པ་ལས།། གཅིག་མེད་གཉིས་མེད་ཐམས་ཅད་མེད།། རྡོ་རྗེའི་དོན
156b2 རྟོགས་དབང་ཆེན་ལས།། གཅིག་བྱུང་གཉིས་བྱུང་ཐམས་ཅད་བྱུང་།། སྟོང་པ་ཡེ་ཤེས་དབང་ཆེན་ལས།། གཅིག་སྐྱེ་གཉིས་སྐྱེ་ཐམས་ཅད་སྐྱེ།། རྟོགས་ན་དབང་མཆོག་དེ་ལྟར་བསྐུར།། མ་རྟོགས་པ་ཡི་ཚིག་སྒོ
156b3 ནས།། རྫས་རེ་དོན་རེས་བསྟན་པར་བྱ།། བསྐྱེད་པ་ཞི་བའི་དབང་དང་ནི།། རྫོགས་པ་ཁྲོ་བོའི་དབང་བསྐུར་རོ།། གསང་མཚན་རྡོ་རྗེའི་དབང་ཡང་བསྐུར།། བཀའ་རྟགས་པོ་ཏིའི་དབང་བསྐུར་ཞིང་།། དེ་ལ་སོགས
156b4 པའི་རྫས་རྣམས་ཀུན།། རིམ་པ་བཞིན་དུ་བསྐུར་བར་བྱ།། ཞེས་བཀའ་སྩལ་ཏོ།། ཞེས་རིག་པ་རང་ཤར་ཆེན་པོའི་རྒྱུད་ལས། དབང་གི་བསྐུར་ཐབས་བསྟན་པའི་ལེའུ་སྟེ་དྲུག་པའོ།། །། དེ་ནས་ཡང
156b5 གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐུགས་རྗེ་ཅན།། དབང་བསྐུར་ཡོན་ཏན་བསྟན་དུ་གསོལ།། ཞེས་ཞུས་སོ།། སྟོབས་ཀྱི་བདག་པོས་བཀའ་སྩལ་པ།། ཨ་ཧོ་གསང་བའི་བདག་པོ
156b6 ཉོན།། ངས་བསྟན་ལེགས་པར་ཡིད་ལ་ཟུང་།། ཡོན་ཏན་བྱེ་བྲག་འདི་ལྟ་སྟེ།། ཡེ་ཤེས་སྣང་བ་ཆེན་པོ་ལ།། ཐོགས་རྡུགས་མེད་པར་འགྱུར་བ་དང་།། རང་སྣང་གྲོགས་སུ་བསྟན་པ་དང་།། བྱ་བ་ཐམས་ཅད་བྱེད་པར
iiif viewer powered by OpenSeadragon
