| e-texts navigator |
| Wylie |
155b1 ལྟ་བ་ཆེན་པོར་འདོད།། ཅེས་རིག་པ་རང་ཤར་ཆེན་པོའི་རྒྱུད་ལས། ལྟ་བ་མདོར་བསྡུས་ཏེ་བསྟན་པའི་ལེའུ་ལྔ་པའོ།། ། དེ་ནས་ཡང་གསང་བའི་བདག་པོས་ཕྱག་ན་རྡོ་རྗེ་ཞེས་བྱ་བ། དེ་བཞིན
155b2 གཤེགས་པ་ཐམས་ཅད་ཀྱི་ཕྱག་མཚན་དུ་རྡོ་རྗེ་གཏད་དེ་དབང་བསྐུར་བས། དབང་ཐོབ་པས་གསང་སྔགས་བླ་ན་མེད་པའི་ཞུ་བ་པོར་དབང་ཐོབ་པ་དེས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་དབང་གི
155b3 བདག། དབང་གི་བསྐུར་ཐབས་གསུང་དུ་གསོལ།། ཞེས་ཞུ་བ་ཞུས་སོ།། དེ་ནས་བཅོམ་ལྡན་འདས་ཐུགས་རྗེ་དང་ལྡན་པ་དེས། པདྨ་ཧེ་རུ་ཀ་ཞེས་བྱ་བར་སྤྲུལ་ནས། དབང་རྫོགས་པའི་ས་མ་ཏི་ལས་བཞེངས
155b4 ཏེ།། འདི་སྐད་ཅེས་བཀའ་སྩལ་པ། ཨེ་མ་ཧོ།། དབང་ནོད་འཁོར་རྣམས་ལེགས་པར་ཉོན།། དབང་ལ་རྣམ་པ་གཉིས་ཀྱིས་བསྟན།། དེ་ཡང་བསྟན་པ་འདི་ལྟ་སྟེ།། རྟོགས་པ་ཡེ་ཤེས་དབང་བསྐུར་དང་།། མ་རྟོགས
155b5 རྡུལ་ཚོན་དབང་བསྐུར་རོ།། མ་རྟོགས་རྡུལ་ཚོན་དབང་བསྐུར་ནི།། མཚན་མའི་རྫས་ལ་བརྟེན་པ་དང་།། རྡུལ་ཚོན་དཀྱིལ་འཁོར་བརྟེན་པ་དང་།། ཡུམ་གྱི་བྷ་གའི་དབང་བསྐུར་རོ།། མཚན་མ་རྫས་ལ་རྣམ་གསུམ
155b6 སྟེ།། བཀྲ་ཤིས་རྫས་བརྒྱད་བསྐུར་ཐབས་དང་།། རིན་ཆེན་བུམ་པའི་བསྐུར་ཐབས་དང་།། ཤ་ཁྲག་གཏོར་མའི་བསྐུར་ཐབས་སོ།། དཀྱིལ་འཁོར་བསྐུར་ཐབས་རྣམ་གསུམ་སྟེ།། འཁོར་གྱི་དཀྱིལ་འཁོར་བསྐུར་ཐབས
iiif viewer powered by OpenSeadragon
