| e-texts navigator |
| Wylie |
155a1 རྟོགས་ནས།། ཆོས་ཉིད་བལྟ་བའི་ལྟ་བར་འདོད།། ཅེས་གསུངས་སོ།། དེ་ནས་ཡང་རྡོ་རྗེ་འཛིན་པ་ཆེན་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རང་རིག་བདག། ཆོས་ཉིད་ལྟ་བ་དེ་ལྟར
155a2 ན།། རང་རིག་ལྟ་བ་གསུང་དུ་གསོལ།། ཞེས་དྲི་བ་དྲིས་སོ།། དེ་ནས་རྡོ་རྗེ་འཆང་ཆེན་དེས།། ཚིག་གི་སྒོ་ནས་བཀའ་སྩལ་པ།། ཀྱེ་མ་རྡོ་རྗེ་འཛིན་པ་ཉོན།། ངས་བསྟན་ལེགས་པར་ཡིད་ལ་ཟུང་།། གཟུང་འཛིན་རྣམ
155a3 རྟོག་འཁོར་བ་ལ།། རང་རིག་ལྟ་བ་འདི་ལྟར་གནས།། ཤེས་པ་ངང་གིས་མ་གཡོས་པའི།། རྟགས་ནི་ཐུགས་རྗེའི་འབྲེལ་ཐག་གོ། དོན་ནི་སྐུ་ལྔའི་དཀྱིལ་འཁོར་རོ།། དཔེ་ནི་ནམ་མཁའི་འཇའ་ཚོན་ནོ།། གནས་ནི
155a4 ཙིཏྟའི་དཀྱིལ་ན་གནས།། ལམ་ནི་བྷྲྀ་གུ་ཏ་ནས་འབྱུང་།། ཡུལ་ནི་ནམ་མཁའ་སྟོང་པའོ།། དུས་ནི་བར་དོའི་སྣང་བའོ།། ངོ་བོ་འགྱུར་མེད་ཆེན་པོ་ཡིན།། རང་བཞིན་འགག་མེད་ཀུན་ལ་ཁྱབ།། ཐུགས་རྗེའི་སྣང་བ་མ
155a5 འགགས་པའོ།། རྒྱུ་ནི་ཀུན་ལ་དེ་བཞིན་གནས།། རྐྱེན་ནི་གདམས་ངག་ཉི་ཤུའོ།། རྒྱུ་རྐྱེན་འཛོམ་ན་རང་རིག་རྟོགས།། རྟོག་མེད་གསལ་བའི་ངོ་བོ་ལ།། འཛིན་པའི་རྣམ་རྟོག་ངང་གིས་མེད།། འཛིན་མེད་རང་གསལ
155a6 དེ་བཞིན་གནས།། འཛིན་མེད་འགྲོ་འོང་མེད་པའི་ཆོས།། སངས་རྒྱས་ཀུན་གྱི་དགོངས་པ་ཡིན།། རྟོག་མེད་རང་གསལ་ཆེན་པོ་ནི།། མ་བསྐྱོད་མཁའ་ལ་གསལ་བའོ།། དེ་ལྟར་རྟོགས་པའི་རྣལ་འབྱོར་དེ།། རང་རིག
iiif viewer powered by OpenSeadragon
