| e-texts navigator |
| Wylie |
154b1 གྱིས་གུས་པར་ཉོན།། ཆོས་ཅན་མཚན་མར་སྣང་བ་ལ།། མིག་གི་དབང་པོ་མ་འགགས་པ།། སེམས་ཀྱི་བལྟ་བ་ལེགས་པ་ཡིན།། རང་གི་རིག་པ་གསལ་བ་ཡིན།། ཆོ་འཕྲུལ་ཕྱི་ཡི་སྣང་བ་སྟེ།། རྟོག་མེད་གསལ་བའི་ངོ
154b2 བོཔོ་ལ།། རང་བྱུང་ཆེན་པོར་ཤེས་གྱུར་ན།། ཆོས་ཅན་བལྟ་བའི་ལྟ་བའོ།། ཞེས་གསུངས་སོ།། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་ཧོ་བཅོམ་ལྡན་རྣམ་དག་སྐུ།། ཆོས་ཅན་ལྟ་བ་དེ་ལྟར
154b3 ན།། ཆོས་ཉིད་བལྟ་བའི་དོན་བཤད་པ།། ཚིག་གི་སྒོ་ནས་གསུང་དུ་གསོལ།། ཞེས་ཞུས་སོ།། གསང་སྔགས་བདག་པོས་བཀའ་སྩལ་པ།། ཀྱེ་མ་གསང་བདག་ངེས་པར་ཟུང་།། ཆོས་ཉིད་རིག་པ་སྐྱེ་མེད་ལ།། རྣམ་རྟོག
154b4 མཚན་མ་ངང་གིས་མེད།། རིག་པ་དགག་བསྒྲུབ་མེད་པ་ལ།། ཞེན་པའི་སྤྱོད་པ་ག་ལ་ཡོད།། ཆོས་ཉིད་རྟོགས་པར་བྱེད་པ་ནི།། བྱར་མེད་དང་དུ་ཤེས་པར་བྱ།། བྱ་བྱེད་བྲལ་བའི་རིག་པ་ནི།། གང་གི་ཕྱོགས་སུ་མ
154b5 ལྷུལྟུང་བ།། བསྒོམ་པ་ཆེན་པོ་ཞེས་བྱ་བའོ།། དེ་ཡང་རྟོགས་བྱེད་འདི་ལྟ་སྟེ།། འདུ་ཤེས་གཅིག་པའི་ཤེས་རབ་ཀྱིས།། བློ་གཏིང་ཡིད་ཆེས་གྱུར་པ་དང་།། ཆོས་ཉིད་སྐྱེ་མེད་རྟོགས་གྱུར་ན།། ཡེ་ཤེས་ཆེན་པོ་སྐྱེ་བར
154b6 འགྱུར།། ཆོས་ཉིད་སྐྱེ་མེད་སྣང་བ་ལ།། སྐྱེ་བྱ་སྐྱེ་བྱེད་གཉིས་ལྟར་སྣང་།། དེ་ཡང་ཆོས་ཉིད་ཆོས་ཅན་ནི།། གཅིག་མ་ཤེས་པས་བྱུང་བ་སྟེ།། གཅིག་ཤེས་ནས་ནི་གྲོལ་བར་འགྱུར།། དེ་ལྟར་སྐྱེ་མེད་དོན
iiif viewer powered by OpenSeadragon
