| e-texts navigator |
| Wylie |
154a1 ཅེས་གསོལ་ཏོ།། ཀྱེ་ཀྱེ་སྦྲུལ་སྐུ་བཅོམ་ལྡན་འདས།། དེ་བཞིན་གཤེགས་པའི་དགོངས་པའི་དོན།། མོས་པའི་འཁོར་ལ་བསྟན་དུ་གསོལ།། ཞེས་ཞུས་སོ།། རྡོ་རྗེ་འཆང་གིས་བཀའ་སྩལ་པ།། ཨ་ཧ་རྡོ་རྗེ
154a2 འཛིན་པ་ཉོན།། ངས་བསྟན་ལེགས་པར་ཡིད་ལ་ཟུང་།། དེ་བཞིན་གཤེགས་པའི་དགོངས་པ་ནི།། ནམ་མཁའི་མཐོངས་སུ་ཤེས་པར་བྱ།། དེ་ལ་གོམས་པར་གྱུར་ན་ཡང་།། ཡེ་ཤེས་སྣང་བ་ལྷུག་པར་འཆར།། ཡང
154a3 དག་ལམ་ཡང་དེ་བཞིན་ནོ།། འཛིན་མེད་ཡུལ་ལ་དེ་བཞིན་གནས།། རྟོགས་པའི་དུས་ན་དེ་བཞིན་ནོ།། མ་རྟོགས་སེམས་ཅན་ཐམས་ཅད་ལ།། མཚོན་དུ་ཡོད་པར་གནས་པའོ།། དེ་བཞིན་གཤེགས་པའི་དགོངས་པ
154a4 ལ།། སྐྱེ་དང་འགྲིབ་པ་མེད་པའོ།། དེ་ཡང་གྲོལ་ལུགས་གང་ཞེ་ན།། གདམས་ངག་དོན་གྱིས་གྲོལ་བའོ།། ཞེས་གསུངས་སོ།། ཞེས་རིག་པ་རང་ཤར་ཆེན་པོའི་རྒྱུད་ལས། སྒོམ་པའི་དོན་བསྡུས་ཏེ་ལེའུ་སྟེ་བཞི
154a5 པའོ།། །། དེ་ནས་ཡང་གསང་བའི་བདག་པོ་རྡོ་རྗེ་འཛིན་པ་ཆེན་པོ་དེས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྣམ་གྲོལ་བདག། སྒོམ་པའི་དམིགས་བསལ་དེ་ལྟར་ན།། ལྟ་བའི་དོན་བཤད་གསུང་དུ
154a6 གསོལ།། ཆོས་ཅན་ལྟ་བ་གསུང་དུ་གསོལ།། ཞེས་ཞུས་སོ།། ཁྲོ་བདག་ཆེན་པོས་བཀའ་སྩལ་པ།། ཨ་ཧོ་རྡོ་རྗེ་འཛིན་པ་ཉོན།། ལྟ་བའི་བྱེ་བྲག་བསམ་མི་ཁྱབ།། དེ་རྣམས་དོན་བསྡུས་ང་ཡིས་བསྟན།། མ་ཡེངས་ཚུལ
iiif viewer powered by OpenSeadragon
