| e-texts navigator |
| Wylie |
153b1 དོན་བསྡུས་ཏེ་བསྟན་པའི་ལེའུ་སྟེ་གསུམ་པའོ།། །། དེ་ནས་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་དགོངས་པའི་བདག། ལྷ་དང་མི་ཡི་སེམས་འཛིན་དོན་བཤད་པའི།། དོན་ཆེན
153b2 འཁོར་ལ་བསྟན་དུ་གསོལ།། ཞེས་ཞུས་པས། ཁྲོ་བོའི་རྒྱལ་པོས་བཀའ་སྩལ་པ།། ཀྱེ་མ་གསང་བདག་ལེགས་པར་ཉོན།། བསྒོམ་པའི་རིམ་པ་འདི་ལྟ་སྟེ།། ལྷ་དང་མི་ཡི་སེམས་འཛིན་ནི།། ཁ་སྣའི་དབུགས་ནི
153b3 བསྡམས་བྱས་ན།། རྟོག་མེད་ཡིད་ལ་འགྲུས་པ་ན།། ཤེས་པ་གཅིག་པའི་ངོ་བོ་སྟེ།། འཕྲལ་གྱི་རྣམ་རྟོག་མེད་པར་གསུངས།། ཡང་དག་དོན་ཆེན་མཚོན་མི་ནུས།། ཞེས་གསུངས་སོ།། དེ་ནས་ཡང་གསང་བའི་བདག
153b4 པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་སྟོབས་ཀྱི་བདག། བྱང་ཆུབ་སེམས་དཔའི་བསམ་གཏན་ལ།། འཇུག་སྒོ་བྱེ་བྲག་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་ཧོ་རྡོ་རྗེ་འཛིན
153b5 པ་ཉོན།། བསམ་གཏན་བྱེ་བྲག་བསམ་མི་ཁྱབ།། མདོར་བསྡུས་བཤད་ཀྱིས་ལེགས་པར་ཉོན།། བྱང་ཆུབ་སེམས་དཔའི་བསམ་གཏན་ནི།། སེམས་ནི་འཛིན་པ་མ་ཡིན་ཏེ།། ངང་ངམ་ཤུགས་ཀྱིས་སྐྱེ་བའོ།། གོམས་པ
153b6 ཀློང་དུ་གྱུར་པ་དང་།། ཟས་ཀྱི་འདུ་ཤེས་སྤང་བའོ།། ས་ལ་གནས་པ་རྣམས་ཀྱི་སྤྱོད།། རྣམ་རྟོག་ངང་གིས་མེད་པའོ།། དེས་ཀྱང་དོན་ཆེན་མཚོན་མི་ནུས།། ཞེས་གསུངས་སོ།། དེ་ནས་ཡང་ཕྱག་ན་རྡོ་རྗེས་འདི་སྐད
iiif viewer powered by OpenSeadragon
