| e-texts navigator |
| Wylie |
151a1 ཅེས་གསོལ་ཏོ།། ཀྱེ་ཀྱེ་བཅོམ་ལྡན་གསང་སྔགས་བདག། འཁོར་རྣམས་རྟོག་པ་བསལ་དུ་གསོལ། གསང་བའི་རིག་པ་ཉིན་བསྟན་དུ་གསོལ། ཞེས་ཞུ་བ་ཞུས་སོ།། དེ་ནས་བཅོམ་ལྡན་འདས་ཀྱིས་བཀའ་སྩལ
151a2 པ།། ཨེ་མ་ཧོ། ངོ་མཚར་དང་བཅས་པ། རྡོ་རྗེའི་བདག་པོ་ལེགས་པར་ཉོན།། ཨེ་མ་ངོ་མཚར་ཆེ་བའི་རྒྱུད།། ཐབས་ཆེན་གཏན་ཚིགས་འབྱུང་བ་ཡིན།། འདི་བྱུང་བས་ནི་རྟོག་པ་སེལ།། མ་གྲོལ་པ་ཡང་གྲོལ་བར
151a3 འགྱུར།། གྲོལ་བ་རྣམས་ནི་མཐར་ཕྱིན་འགྱུར།། མ་རིག་སེལ་བའི་ཉི་མ་འབྱུང་།། རྣམ་རྟོག་གྲོལ་བའི་རྒྱུད་ཆེན་འབྱུང་།། དེ་བཞིན་གོང་དུ། རྒྱུད་བརྗོད་དེ་བཞིན་ནོ།། ཞེས་བཀའ་སྩལ་ཏོ།། དེ་ནས་ཡང་གསང་བའི
151a4 བདག་པོས་འདི་སྐད་ཅེས་ཞུ་བ་ཞུས་སོ།། ཀྱེ་ཀྱེ་བཅོམ་ལྡན་སྟོབས་ཀྱི་བདག། རྟོག་པ་བསལ་བ་ངོ་མཚར་ཆེ།། རྒྱུད་ཀྱི་རྒྱལ་པོ་གསུང་དུ་གསོལ།། སེམས་ཅན་རྟོག་པ་བསལ་བའི་ཕྱིར།། རང་རིག་རང་གི་དོན་གྱི་དགོངས
151a5 པ། ཐབས་ཆེན་བཤད་དུ་གསོལ། ཉོན་མོངས་སྟོང་ཕྲག་བརྒྱད་ཅུ་ལ། མཐའ་ཡས་པ་རྣམས། གཅིག་མ་རིག་པ། གིས་བསྡུ་བ་རིག་པ། གསུང་དུ་གསོལ། གསང་སྔགས་རྡོ་རྗེ་ཐེག་པ་ལ། དོན་ཆེན་རྫོགས་ཆེན་དུ་དགྲོལ་བ་གསུང
151a6 དུ་གསོལ། ཞེས་ཞུ་བ་ཞུས་སོ།། དེ་ནས་ཡང་བཀའ་སྩལ་པ། རྒྱུད་ཀྱི་རྒྱལ་པོའི་བཤད་ལུགས་ནི།། ཚིག་དོན་འབྲེལ་པ་ཆེན་པོ་ལས།། ཕུན་སུམ་ཚོགས་པ་ལྔ་དང་ལྡན།། གོང་དུ་བཤད་པའི་རྒྱུད་ཆེན་པོ།། རང
iiif viewer powered by OpenSeadragon
