| e-texts navigator |
| Wylie |
133a1 བ།། དཀྱིལ་འཁོར་ཐམས་ཅད་མ་བསྒྲུབས་འགྲུབ།། ཐེ་ཚོམ་རྟོག་པ་ཆོད་པའོ།། ཞེས་རྫོགས་པ་རང་བྱུང་ཆེན་པོའི་རྒྱུད་ལས། དབང་རིན་པོ་ཆེ་འཁོར་ལོ་རྣམ་པར་བཤད་པའི་ལེའུ་སྟེ་ཉི་ཤུ་རྩ་བཞི
133a2 པའོ།། རྫོགས་སོ།། ། གཏེར་ནས་གཏེར་དུ་སྩལ་བ་ལགས།། སྔགས་ཀྱི་སྲུང་མས་སྲུང་ཤིག་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་ལ་ཕྱག་འཚལ་ལོ།། དེ་ནས་སྒྲ་ཐམས་ཅད་གཏན་ལ་ཕབ
133a3 པའི་མན་ངག་དོན་དང་ཡེ་ཤེས་ཀྱི་འབྲེལ་པ། གསང་སྔགས་ཀྱི་ལྷ་ཕུག་དོན་ཐམས་ཅད་ཀྱི་འདུས་ས། ཡེ་ཤེས་ཆེན་པོའི་མདོ་འདི་བསྟན་ཏེ། དེ་ལ་སྒྲའི་སྡོམ་བྱང་འདི་ལྟ་སྟེ། ཐམས་ཅད་དུ་སྒྲ་གར་གྲགས་པར།
133a4 རང་བཞིན་རང་བྱུང་གི་ཐུགས་རྗེའི་ཡི་གེར་འདི་ལྟར་ཤེས་པར་བྱའོ།། དེ་ལ་འོག་ནས་བཤད་དེ། ཨཿནི་སྐྱེ་མེད་ཀྱི་ཡི་གེར་ཀུན་ཏུ་ཤེས་པར་བྱའོ།། ཧ་ནི་དག་པའི་ཡི་གེར་ཤེས་པར་བྱའོ།། ས་ནི་མི་འགྱུར་བའི་ཡི
133a5 གེར་ཤེས་པར་བྱའོ།། ཤ་ནི་ཤེས་རབ་ཀྱི་ཡི་གེར་ཤེས་པར་བྱའོ།། ལ་ནི་གཅོད་བྱེད་ཀྱི་ཡི་གེར་ཤེས་པར་བྱའོ།། ར་ནི་རང་བྱུང་ཐུགས་རྗེའི་ཡི་གེར་ཤེས་པར་བྱའོ།། ཡ་ནི་རང་སྣང་གི་ཡི་གེར་ཤེས་པར་བྱའོ།། འ་ནི
133a6 འགག་མེད་ཀྱི་ཡི་གེར་ཤེས་པར་བྱའོ།། ད་ནི་མཚོན་པའི་ཡི་གེར་ཤེས་པར་བྱའོ།། ཀ་ནི་སྐུ་གསུམ་གྱི་ཡི་གེར་ཤེས་པར་བྱའོ།། ཁ་ནི་གཉིས་སྣང་གི་ཡི་གེར་ཤེས་པར་བྱའོ།། ག་ནི་སྐྱོབ་པའི་ཡི་གེར་ཤེས་པར
iiif viewer powered by OpenSeadragon
