| e-texts navigator |
| Wylie |
132a1 ལས་ནི།། དང་པོ་བར་དང་ཐ་མར་འགྱུར།། སྟོང་པའི་ལམ་ནི་འདུས་པའོ།། དེ་རྣམས་ལ་ནི་དང་པོའོ།། བདེན་པ་འདུས་པས་བཞི་སྣང་ལ།། ལམ་ནི་དྲུག་དྲུག་ཕྱེད་སྣང་ངོ་།། དེ་ནི་གསང་བའི་གནས
132a2 དྲུག་ཡིན།། ཆོ་འཕྲུལ་ཡིག་འབྲུ་གསུམ་དག་ཡིན།། དྲན་པ་ལ་ནི་སུམ་འགྱུར་རོ།། ཤེས་པའི་དུས་ནི་གཅིག་ཤེས་སོ།། སྣང་བ་མཐོང་བའི་ཡུལ་དུས་ནས།། ཡུལ་ལས་ཐེ་ཚོམ་གཉིས་ཡིན་ནོ།། གཉིས་གཉིས་གསུམ
132a3 འགྱུར་དགུ་སྣང་སྟེ།། ཕྱག་མཚན་སུམ་ཅུ་རྩ་གཉིས་འགྱུར།། མཚན་མ་སྣང་བའི་རྒྱུ་དྲུག་ལས།། སོ་སོའི་ལམ་ནི་བརྒྱད་ཕྲག་གོ། གསང་བའི་ལམ་ནི་བདུན་ཅུ་གཉིས།། རྒྱུ་ལས་གནས་པ་དྲུག་འགྱུར་རོ།། རྟགས་ལ
132a4 གཉིས་གཉིས་ལམ་འགྱུར་ཚེ།། གསང་བའི་སྐུ་གསུམ་གཉིས་ཏེ་དྲུག། དང་པོ་དཀར་དམར་གཉིས་དག་ལས།། ཐ་མ་དཀར་དམར་ལྔ་འགྱུར་རོ།། དེ་དག་རྣམས་ལ་ཕྱེད་ཕྱེད་དོ།། རྣམ་པར་འཕྲོ་བ་ཉིད་ཀྱང
132a5 ཡིན།། རྟགས་ཀྱི་ལྷག་མ་བཞི་བཞིའོ།། བྱ་བྲལ་འབྲས་བུ་ཐོབ་པའི་ཚེ།། ལྷག་མའི་ངེས་ཤེས་སུམ་ཆ་ཕྱེད།། སྟོང་པ་ཉིད་ནི་བདུན་འགྱུར་རོ།། ལྷག་མའི་འབྲས་བུ་གཅིག་ཏུ་གསལ།། ཆོས་ཀྱི་རྒྱུ་ནི་བདུན་གཉིས
132a6 ལས།། རྟོགས་པའི་འབྲས་བུ་དེ་ཕྲག་གོ། གཅོད་བྱེད་ཤེས་རབ་དེ་བཞིན་ཆ།། དང་པོ་ལས་ཀྱི་ཕྱེད་བཀྱེད་པ།། རང་རང་སྣང་བ་རྫོགས་པར་བཤད།། དེ་འོག་ལས་ནི་ཉིས་འགྱུར་ལས།། དབང་གི་སྣང་བ་ཉིས་འགྱུར
iiif viewer powered by OpenSeadragon
