| e-texts navigator |
| Wylie |
121b1 བཞི་མཚམས་དང་བརྒྱད་དུའོ།། དེ་ཡང་བཀྲ་ཤིས་ནས་ནི་རེ་རེའོ།། བུམ་པ་དེ་དག་རེ་རེའི་རྩར།། ཕུད་དང་བཅས་པའི་གཏོར་མ་རེ།། མཁས་པས་རབ་ཏུ་གཞག་པར་བྱ།། བྷནྡ་མཚན་ལྡན་དེ་བཞིན་ནོ།། དེ་ལྟར
121b2 རྫས་རྣམས་བཤམས་ནས་ནི།། དབང་བསྐུར་ཆོ་ག་རྫོགས་པར་བྱ།། དེ་ནས་འདི་སྐད་བརྗོད་བྱ་ཞིང་།། གསལ་བ་གསུམ་དང་ལྡན་པའོ།། ཏིང་འཛིན་རྒྱལ་པོ་བསྒོམ་བྱ་ཞིང་།། ཚིག་དང་བཅས་པས་སྐུ་དེ་དག། རང
121b3 རང་གནས་སུ་བསྐུར་བར་བྱ།། ཧཱུཾ་ལྔ་ལྡན་རྡོ་རྗེ་འབར་བའི་དཀྱིལ་འཁོར་དུ།། རྡོ་རྗེ་འདུ་འབྲལ་མེད་པའི་སྐུར་གསལ་ལས།། གསང་བདག་རྡོ་རྗེ་རིགས་ཀྱི་དབང་བསྐུར་ཞིང་།། རྡོ་རྗེ་འདུས་པའི་སྲས་སུ་དབང
121b4 བསྐུར་རོ།། དཀྱིལ་འཁོར་ལྔ་དང་སྐུ་དང་ཡེ་ཤེས་དང་།། དུས་དང་གནས་དང་ཚིག་དང་རྡོ་རྗེ་ཡི།། གསང་བ་བདེ་ལྡན་རྡོ་རྗེ་གར་གྱི་བདག། བདག་དང་གཞན་དང་སྐུ་ལྔ་མཐར་ཕྱིན་ནས།། མི་འགྱུར་གསང་མཆོག
121b5 དགྱེས་པའི་གད་མོ་ཆེ།། རིག་དང་སྟོང་དང་བྱ་དང་བྱེད་པའི་སྟོབས།། ཆོས་དང་གནས་དང་སེམས་དང་ཡིད་ལ་བསྐུལ།། ཨ་ལ་ལ་ཧོ་རྡོ་རྗེ་མོས་པ་རྩལ།། རིགས་དང་ས་དང་རྡོ་རྗེ་དྲག་པོ་རྩལ།། དཀྱིལ་འཁོར
121b6 མཆོག་སྟོན་རྡོ་རྗེ་བཞད་པ་རྩལ།། སྟོང་དང་དགྱེས་མཆོག་རྡོ་རྗེ་འོད་འབར་རྩལ།། ཆོས་ཉིད་རང་སྣང་རྡོ་རྗེ་གཏེར་དབང་རྩལ།། དཀྱིལ་འཁོར་ཡང་གསང་རྡོ་རྗེ་རབ་བསྔགས་རྩལ།། དམར་ལྡན་ཡིད་འཕྲོག་རྡོ་རྗེ
iiif viewer powered by OpenSeadragon
