| e-texts navigator |
| Wylie |
120b1 རྗེ་དབང་གི་རང་བཞིན་ལས།། རྡོ་རྗེ་གསང་བའི་རྒྱལ་མཚན་ལས།། གསང་སྔགས་རྡོ་རྗེའི་དབང་ཐོབ་སྟེ།། དེང་ནས་བཟུང་ནས་རྡོ་རྗེའི་སྐུ།། རྫོགས་སངས་རྒྱས་པ་རྡོ་རྗེའི་གསུང་།། དེང་ནས་བསྐལ་པ་སྟོང་དུ
120b2 ཡང་།། མི་འཇིག་བརྟན་པ་རྡོ་རྗེ་ཐོབ།། རང་རིག་བརྟན་པ་རྡོ་རྗེའི་སྐུ།། སྐུ་དང་ལྡན་པར་མ་གྱུར་པར།། སྐུ་གསུམ་བསྟན་པའི་དབང་ཐོབ་ནས།། འགྱུར་བ་མེད་པ་རྡོ་རྗེའི་ཐུགས།། འཁྲུལ་པ་སྤང་བས་ཡང
120b3 དག་ཐུགས།། ཆོས་ཀྱི་སྐུ་དང་ཡང་གསང་རྡོར།། མཁའ་གསང་གཙུག་གི་ནོར་བུ་སྟེ།། ཆོས་དང་ཆོས་ལས་རབ་འདས་པའི།། ཆོས་ཉིད་དབང་ཡང་དེར་ཐོབ་བོ།། ཞེས་རྫོགས་པ་རང་བྱུང་ཆེན་པོའི་རྒྱུད
120b4 ལས།། རྫོགས་ཆེན་རང་གི་ལྟ་བ་བསྟན་པའི་ལེའུ་སྟེ་ཉི་ཤུ་གཉིས་པའོ།། །། རྫོགས་སོ།། ། @#།། རྒྱ་གར་སྐད་དུ། ཀཱ་ཡ་ཙཀྲ་རཏྣ་ཨ་ཤ་ན་མ། བོད་སྐད་དུ། འཁོར་ལོ་རིན་པོ
120b5 ཆེ་སྐུ་ལྟར་བསྐུར་བ་ཞེས་བྱ་བ།། བཅོམ་ལྡན་འདས་རྣམ་པར་སྣང་མཛད་ལ་ཕྱག་འཚལ་ལོ།། དེ་ནས་འདུས་པའི་འཁོར་བསམ་གྱིས་མི་ཁྱབ་པས། བཅོམ་ལྡན་འདས་དེ་དག་ལ་འདི་སྐད་ཅེས་ཞུས་སོ།། ཀྱེ་ཀྱེ་བཅོམ
120b6 ལྡན་རྣམ་གྲོལ་བདག། འཁོར་བའི་སེམས་ཅན་འདི་དག་རྣམས།། འཁོར་བ་ཉིད་ལས་བསྒྲལ་བའི་ཕྱིར།། དཀྱིལ་འཁོར་ལྷ་ཚོགས་ཐམས་ཅད་ཀྱི།། སྐུ་ཡི་དབང་བསྐུར་ཅི་ལྟར་ལགས།། རྡོ་རྗེ་འཛིན་པས་བཀའ་སྩོལ
iiif viewer powered by OpenSeadragon
