| e-texts navigator |
| Wylie |
118a1 མ་ལྷུན་གྲུབ་སྐུ།། ཐ་དད་མི་འབྱེད་ཆོས་སྐུ་སྟོང་བདག་མེད།། དཀར་དང་དམར་དང་ཤེས་རབ་ཐབས་མཁས་སྐུ།། ཆོས་ཉིད་སྟོང་པ་མཁའ་ཁྱབ་ཀུན་ལ་རོལ།། ཆགས་མེད་ཆགས་པའི་ཚུལ་བསྟན
118a2 བྱང་ཆུབ་ཉིད་ཀྱི་སྐུ།། མཚན་མ་སྤྲོས་བྲལ་གསང་བའི་ཡུམ་གྱི་དབང་།། ཐབས་མཁས་ཐུགས་རྗེ་ཆེན་པོ་ཡིན་པས་ན།། དེང་ནས་བཟུང་སྟེ་རྒྱལ་བའི་སྲས་སུའོ།། ཨོཾ་བོ་དྷི་ཙིཏྟ་ཨི་བ་ཀེ་ཡ་ཨཱ། ཨེ་མ་ངོ་མཚར་བལྟ
118a3 བའི་དཀྱིལ་འཁོར་ཆེ།། དཀྱིལ་འཁོར་ཉིད་ལ་དཀྱིལ་འཁོར་ཉིད་བསྟན་པས།། སྔོན་ཆད་མ་བཙལ་དེང་ནས་བདག་གིས་ཤེས།། རང་གི་རང་བཞིན་ཡིན་པར་དེ་ཤེས་པས།། གཞན་ནས་མ་བཙལ་ཕྱི་ནང་དབང་ཐོབ
118a4 པས།། གསང་བའི་དབང་དང་ཡོངས་རྫོགས་དུས་འདིར་ཐོབ།། དཔའ་བོས་གནང་བས་བཀའ་དྲིན་རབ་ཏུ་ཆེའོ།། ཧ་ཧ་ཧེ་ཧེ་རིག་ངེས་སོ།། ཨ་ཨ་ཨི་ཨི་ངོ་མཚར་རོ།། དབང་རྫོགས་ཡོན་ཡང་འབུལ་བར
118a5 བྱའོ།། སློབ་དཔོན་ཉིད་ཀྱིས་ད་ལ་བསྡུའོ།། ཞེས་རྫོགས་པ་རང་བྱུང་ཆེན་པོའི་རྒྱུད་ལས། གསང་བ་མཁའ་དབྱིངས་བུམ་པའི་དབང་བསྐུར་བའི་ལེའུ་སྟེ་ཉི་ཤུ་རྩ་གཅིག་པའོ།། རྫོགས་སོ།།
iiif viewer powered by OpenSeadragon
