| e-texts navigator |
| Wylie |
110b1 @།། རྒྱ་གར་སྐད་དུ། གྷཱ་ཡ་ཛྙཱ་ནཱ་ཨ་བྷི་ཀ་ལ་ཀྵ་ཏ་ན་མ། བོད་སྐད་དུ། གསང་བ་ཡེ་ཤེས་ཐིག་ལེའི་དབང་།། མཁའ་དབྱིངས་བུམ་པ་ལྟར་བསྐུར་བ་ཞེས་བྱ་བ། བཅོམ་ལྡན་འདས་མངོན་རྫོགས་ཐིག་ལེའི་སྐུ་ལ
110b2 ཕྱག་འཚལ་ལོ།། དེ་ནས་འདུས་པའི་འཁོར་རྣམས་ཀྱི་ནང་ནས།། གསང་བའི་བདག་པོ་ཉིད་ལངས་ཏེ།། འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་དབང་ཆེན་སྐུ།། སེམས་ཀྱིས་བཅིངས་པའི་འཁོར་བ
110b3 ལས།། གསང་བ་དབང་གི་བདག་ཉིད་ཀྱིས།། ཐབས་ནི་གང་གིས་གྲོལ་བར་འགྱུར།། འདིར་འདུས་འཁོར་ལ་བཀའ་སྩོལ་ཅིག། དེ་ནས་གསང་དབང་དོན་གསུངས་པ།། ཀྱེ་མ་ཉོན་ཅིག་རྡོ་རྗེ་འཛིན།། གསང་སྔགས
110b4 གསང་བའི་དབང་རྟགས་ནི།། ཅི་ལྟར་རྫོགས་པར་བྱེད་པ་སྟེ།། སློབ་མ་དམ་ལྡན་གསང་བ་ཐུབ།། དམ་ཚིག་ལྡན་པའི་སློབ་མ་ལ།། གསང་བའི་དབང་ནི་རྫོགས་བྱེད་ན།། གསང་བ་དབང་གི་རྫས་བསགས་ཏེ།། སློབ
110b5 མ་རིགས་ལྡན་གསུམ་མམ་ལྔ།། བདུན་ལས་འདས་ན་གསང་སྔགས་འཚལ།། དེ་ལྟར་གསང་ཐུབ་བུ་རྣམས་ལ།། གསང་བའི་དབང་ཉིད་བྱེད་འདོད་ན། གཟུང་མཆོག་ཡིད་དང་འཐད་པ་བཙལ།། དེ་ཡང་མཚན་ཉིད
110b6 བརྟག་པ་གཅེས།། དེ་ཡི་མཚན་ཉིད་བརྟག་པ་ནི།། རིགས་ནི་རྣམ་པ་བཞིར་བཤད་དེ།། འབྲས་བུ་སྐུ་བཞི་ངེས་པ་ཐོབ།། རིགས་ནི་རེ་རེ་དག་ལ་ཡང་།། ཁ་དོག་མང་ཞིང་བརྟག་པར་དཀའ།། རིགས་ནི་འདི་ལྟར
iiif viewer powered by OpenSeadragon
