| e-texts navigator |
| Wylie |
110a1 རྟོགས་མེད་རྫས་བཞི་སྟེ།། གཉིས་འདས་ཆོས་སྐུའི་དབང་བསྐུར་རོ།། སུ་ཁ་བཛྲ་པྲ་ཏི་སྟ་ཧ་ཧ་ཨོཾ་ཨཱ། བྱང་ཆུབ་སྙིང་པོ་སྟོད་པའི་སྐུ།། སྐུ་གསུམ་ངོ་བོ་ཉིད་ལ་ནི།། ཡེ་ནས་མ་སྐྱེས་རང་རྫོགས
110a2 པས།། གཞན་ལ་བཙལ་བར་མི་བྱ་ཞིང་།། རང་ཉིད་ལྷ་ཡི་ལྷ་ལྟར་མཆོད།། རྫོགས་ཆེན་འདུ་འབྲལ་མེད་པ་ཡི།། སྟོང་པའི་ཡེ་ཤེས་དབང་བསྐུར་རོ།། སྭ་བྷཱ་ཝ་ཨ་ཊ་རི་ཤ་ཨེ་བཾ་ཧཱུཾ་ཨ། ཆོས་སྐུ་རྟོག་ལས་འདས་པས
110a3 ན།། བསམ་འདས་བརྗོད་མེད་ངོ་བོ་སྟོང་།། རང་བཞིན་རྫོགས་ཆེན་ལྷུན་གྲུབ་པས།། ཐིག་ལེ་གཅིག་པར་དབང་བསྐུར་རོ།། ཨ་བེ་སྟ་བྷ་ཡ་ཨ་ཧཱུཾ། ཨེ་མ་ངོ་མཚར་རྨད་བྱུང་བའི།། སྟོང་ཉིད་སྙིང་པོ་འོད་གསལ
110a4 དང་།། མ་ཆགས་གོས་མེད་བྱང་ཆུབ་སེམས།། དྲི་མེད་དག་པའི་རིག་སྣང་སྟེ།། རྫོགས་ཆེན་མཐའ་དང་དབུས་མེད་པས།། སྣང་བ་གཅིག་རྫོགས་དབང་བསྐུར་རོ།། ཨོཾ་སྭ་མམ་རཏྣ་ལམ་ཧཱུཾ། ཆོས་སྐུ་སྟོང་པ་ཉིད་ཀྱི
110a5 ངདང་།། རང་བྱུང་ཡེ་ཤེས་རྟོག་མེད་དབྱིངས།། སྟོང་གསལ་རིག་པ་སྙིང་པོར་ལྡན།། སྟོང་ཞིང་བདག་མེད་ཡེ་ཤེས་དང་།། ཆོས་རྣམས་ལྷུན་གྲུབ་རྫོགས་པ་ཆེ།། ཡང་དག་ཡེ་ཤེས་འོད་གསལ་བ།། སྟོང་པ་ཉིད་དུ་དབང
110a6 བསྐུར་རོ།། ཨ་ཨཱ་ཨི་ཨི་ཨཽ་ཧཱུཾ། ཞེས་རྫོགས་པ་རང་བྱུང་ཆེན་པོའི་རྒྱུད་ལས། བཀའ་རྟགས་ཕྱག་རྒྱའི་དབང་གི་ལེའུ་སྟེ་ཉི་ཤུ་པའོ།། རྫོགས་སོ།། །།
iiif viewer powered by OpenSeadragon
